ايماقتار • 22 ماۋسىم، 2020

اقمولادا تۇرعىن ۇيگە 24،7 ملرد تەڭگە ينۆەستيتسيا سالىندى

33 رەت كورسەتىلدى

اقمولا وبلىسىندا بيىلعى 5 ايدا تۇرعىن ءۇي قۇرىلىسىنا 24،7 ملرد تەڭگە ينۆەستيتسيا سالىندى. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

2020 جىلى اقمولا وبلىسىندا قارجىلاندىرۋدىڭ بارلىق كوزدەرى ەسەبىنەن 570 مىڭ شارشى مەتر نەمەسە 5300 تۇرعىن ءۇي سالۋ مىندەتى تۇر.

5 اي ىشىندە وڭىردە تۇرعىن ءۇي قۇرىلىسىنا 24،7 ملرد. تەڭگە ينۆەستيتسيا باعىتتالىپ، جالپى الاڭى 239،3 مىڭ شارشى مەتر بولاتىن 2085 تۇرعىن ءۇي پايدالانۋعا بەرىلدى.

"نۇرلى جەر" تۇرعىن ءۇي-كوممۋنالدىق دامىتۋ مەملەكەتتىك باعدارلاماسى شەڭبەرىندە بيىل وڭىردە ينجەنەرلىك-كوممۋنيكاتسيالىق ينفراقۇرىلىم جانە تۇرعىن ءۇي قۇرىلىسىنا 10،4 ملرد. تەڭگەگە 49 جوبانى ىسكە اسىرۋ كوزدەلگەن. 595 جۇمىس ورنى اشىلادى.

49،4 مىڭ شارشى مەتر نەمەسە 1 002 جالعا بەرىلەتىن جانە كرەديتتىك تۇرعىن ءۇيدى پايدالانۋعا بەرۋ جوسپارلانعان.

ونىڭ ىشىندە ساتىپ الۋسىز جالعا بەرىلەتىن تۇرعىن ءۇي قۇرىلىسىنا 21 جوبانى ىسكە اسىرۋ ءۇشىن 2،9 ملرد. تەڭگە قاراستىرىلعان. بيىل 5 ايدىڭ قورىتىندىسىندا قارجىلاندىرۋ جوسپارى بويىنشا اكىمدىككە 357،4 ملن.تەڭگە اۋدارىلدى. جىل سوڭىنا دەيىن 13،9 مىڭ شارشى مەتر نەمەسە 290 جالعا بەرىلەتىن تۇرعىن ءۇيدى پايدالانۋعا بەرۋ جوسپارلانعان. بۇل ۇيلەردىڭ قۇرىلىسىنا بارلىعى 202 ادام جۇمىسقا تارتىلادى.

كرەديتتىك تۇرعىن ءۇي قۇرىلىسىنا 13 جوبانى ىسكە اسىرۋ ءۇشىن 5،6 ملرد. تەڭگە قاراستىرىلعان. وعان 35،5 مىڭ شارشى مەتر نەمەسە 712 تۇرعىن ءۇي پايدالانۋعا بەرىلەدى. 250 جۇمىس ورنىن قۇرىلادى.

بۇدان باسقا، «نۇرلى جەر» مەملەكەتتىك باعدارلاماسى اياسىندا 2% نەسيە بەرىلەتىن «باقىتتى وتباسى» باعدارلاماسىن جۇزەگە اسىرۋعا بيىل رەسپۋبليكالىق بيۋدجەتتەن وبلىس اكىمدىگىنە 181 تۇرعىن ءۇي قارىزىنا 1،8 ملرد. تەڭگە قاراستىرىلعان.

وبلىستا تۇرعىن ءۇي قۇرىلىسى اۋداندارىنا ينجەنەرلىك-كوممۋنيكاتسيالىق ينفراقۇرىلىم جۇرگىزۋگە 15 جوبانى ىسكە اسىرۋ ءۇشىن 1،9 ملرد. تەڭگە قاراستىرىلىپ وتىر. بيىلعى 5 ايدىڭ قورىتىندىسىندا 166،4 ملن. تەڭگە اۋدارىلىپ، قارجى 100% يگەرىلدى. ول جوبالار بويىنشا 143 ادام جۇمىسپەن قامتىلادى.

سوڭعى جاڭالىقتار

ۇقساس جاڭالىقتار