ايماقتار • 22 ماۋسىم، 2020

الماتىدا ىندەتكە تەست تاپسىراتىن زەرتحانالاردىڭ جۇمىسى كۇشەيتىلدى

70 رەت كورسەتىلدى

الماتى قالاسى اكىمىنىڭ تاپسىرماسى بويىنشا الماتى قالاسىندا كوروناۆيرۋستىڭ تارالۋىنا جول بەرمەۋ جونىندە كوميسسيا قۇرىلدى. اكىمدىك جانىنداعى كوميسسيا كوروناۆيرۋس ينفەكتسياسىنا قاتىستى قالىپتاسقان سانيتارلىق-ەپيدەميولوگيالىق جاعدايدى ەسكەرە وتىرىپ، COVID-19 تارالۋىنا جول بەرمەۋ ءۇشىن قوسىمشا شارالاردى قابىلدادى، - دەپ حابارلايدى Egemen.kz.

اتاپ ايتساق، 22 ماۋسىمنان باستاپ زەرتحانالاردىڭ قۋاتتىلىعى ارتادى. بۇگىنگى كۇنى پتر تەستىلەۋ التى ارنايى مامانداندىرىلعان زەرتحانالاردا جۇرگىزىلەدى. تاۋەكەل ساناتىنا جاتاتىن ادامدار عانا تەستىلەۋدەن تەگىن وتەدى. سونىمەن قاتار، اقىلى تۇردە پتر ادىسىمەن تەستىلەۋدەن وتۋگە بولادى.

"وليمپ" زەرتحاناسىنىڭ جۇمىسى قايتا قولعا الىنادى. 24 ماۋسىمنان باستاپ "نۇرلى تاۋ" بيزنەس ورتالىعى جانىنداعى قورشاۋلى پۋنكتى بار زەرتحانا جۇمىسىن باستايدى. ال، 26 ماۋسىمدا "اتاكەنت" قىىو اۋماعىنداعى تاۋلىگىنە 1 مىڭعا جۋىق تەستىلەۋ جۇرگىزەتىن جەتىنشى زەرتحانا كەلۋشىلەردى قابىلداي باستايدى. اتالعان زەرتحانادا تاۋلىگىنە 5 مىڭعا دەيىن تەستىلەۋ جۇرگىزۋگە بولادى.

كۆي جۇقتىرعان ناۋقاستارعا مەديتسينالىق كومەك قولجەتىمدى بولۋى ءۇشىن 22 ماۋسىمنان باستاپ جەدەل مەديتسينالىق كومەك اۋرحاناسىنىڭ بازاسىندا بۇرىننان بار 600 پروۆيزورلىق ورىن جانىنا تاعى دا قوسىمشا 300 ورىن قوسىلادى. بىرقاتار مەديتسينالىق مەكەمەلەردى قوسىمشا بەيىمدەۋ بارىسىندا ينفەكتسيالىق توسەكتەر سانى ارتادى.

الماتىدا كوروناۆيرۋس ينفەكتسياسىن جۇقتىرعانى راستالعان پاتسيەنتتەردى 9 ينفەكتسيالىق ستاتسيونار قابىلداۋدا، بۇلاردا 1409 ناۋقاس ەم الىپ جاتىر. قازىرگى كەزدە 14 ناۋقاستىڭ جاعدايى وتە اۋىر، 131 پاتسيەنت اۋىر جاعدايدا، ال 937 ناۋقاستىڭ جاعدايى ورتاشا.

بۇلاردان وزگە، كوپبەيىندى ستاتسيونارلار شتاتتى رەجيمدە جۇمىس جاساۋدا، ولار ناۋقاستاردى تاۋلىك بويىنا، ءتىپتى جەدەل تۇردە قابىلدايدى.

وكپەنىڭ قابىنۋى (پنەۆمونيا) دياگنوزىن دەر كەزىندە انىقتاۋ ءۇشىن كومپيۋتەرلىك توموگرافيالىق تەكسەرۋدى ۇسىناتىنداردىڭ رەەسترى جاسالدى. ولاردىڭ اراسىندا مەملەكەتتىك كلينيكالارمەن قاتار جەكە مەديتسينالىق قىزمەت كورسەتەتىندەر دە بار. تاعى 2 كومپيۋتەرلىك توموگرافيا قوسىمشا ساتىپ الىندى. قالانىڭ بارلىق ەمحانالارىندا رەنتگەنوگرافيا كابينەتتەرى جۇمىس ىستەۋدە.

حالىقپەن كەرى بايلانىستى قامتاماسىز ەتۋ ءۇشىن قالادا قوعامدىق دەنساۋلىق باسقارماسىنىڭ بىرىڭعاي بايلانىس ورتالىعى جۇمىس جاساۋدا، وعان 3000-103 ءنومىرى ارقىلى حابارلاسۋعا بولادى، بۇل بايلانىس ەمحانالاردىڭ call-ورتالىقتارىمەن ءبىر جەلىدە.

سيمپتومسىز ناۋقاستار جاعدايلارىنىڭ اۋىر نەمەسە جەڭىل ەكەنىن انىقتاۋ ءۇشىن مونيتورينگ جۇرگىزىلەدى. بۇل ىسپەن ءار ەمحاناداعى ارنايى وقۋدان وتكەن ءموبيلدى بريگادا اينالىسادى. سونىڭ ارقاسىندا ناۋقاستارعا ساپالى مەديتسينالىق كومەك كورسەتىلۋدە.

قالانىڭ بارلىق مەديتسينالىق ۇيىمدارى قاجەتتى دارىلەرمەن قامتاماسىز ەتىلگەن. ولاردىڭ جەتكىلىكتى قورى بار.

جۇزەگە اسىپ جاتقان وسىناۋ قوسىمشا پارمەندى شارالار COVID-19-عا قارسى كۇرەستىڭ تيىمدىلىگىن ارتتىرىپ، جاعدايدى تۇراقتاندىرۋعا وڭ ىقپالىن تيگىزەتىن بولادى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار