قازاقستان • 22 ماۋسىم، 2020

1 شىلدەدەن باستاپ كوپبالالى وتباسىلارعا وزگەرگەن جاردەماقى بەرىلەدى

5974 رەت كورسەتىلدى

جىل باسىنان بەرى قازاقستاندا 400 مىڭعا جۋىق كوپبالالى وتباسى ارنايى جاردەماقى الدى. بۇل تۋرالى ەڭبەك رەسۋرستارىن دامىتۋ ورتالىعىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

2020 جىلدىڭ 1 قاڭتارىنان باستاپ، ەلىمىزدە كوپبالالى وتباسىلارعا ارنايى جاردەماقى ەنگىزىلدى. جاردەماقى ءتورت نەمەسە ودان دا كوپ كامەلەتكە تولماعان بالالارى نەمەسە 23 جاسقا دەيىنگى كۇندىزگى وقۋدا وقيتىن ستۋدەنتتەرگە، ولاردىڭ تابىستارىنا قاراماستان تاعايىندالدى.

تولەم مولشەرى بالالاردىڭ سانىنا بايلانىستى ءتورت بالاسى بار − 44 448 تەڭگەدەن جەتى نەمەسە ودان دا كوپ 77 784 تەڭگەگە دەيىن بەرىلدى. بۇگىندە سونىڭ شامامەن 392 مىڭى تابىستالدى. الايدا تولەم الۋشىلار قولدانىستاعى ەرەجەلەردىڭ بەلگىلى ءبىر ساناتىن بۇزعان ەدى. سول سەبەپتى دە ون التى بالاسى بار وتباسى جەتى بالاسى بار وتباسى سياقتى تەڭ مولشەردە الىپ ءجۇردى.

اتالعان ولقىلىقتاردى جويۋ ءۇشىن مەملەكەت باسشىسى ۇستىمىزدەگى جىلدىڭ 13 مامىرىندا سەگىز جانە ودان كوپ بالالى وتباسىلارعا ارنايى جەڭىلدىكتەر بەلگىلەنگەن زاڭعا قول قويدى. سونىمەن سەگىز بالاسى بار وتباسى ءۇشىن جاردەماقى 88 896 تەڭگە، توعىز بالامەن 100 008 تەڭگە، ءارى قاراي 10 − 111 120 تەڭگەدەن، 11 − 122 232 تەڭگەدەن، 12 − 133 344 تەڭگەدەن، 13 − 144 456 تەڭگەدەن بەلگىلەنسە، 14 − 155 568 تەڭگەدەن، 15 − 166 680 تەڭگەدەن جانە 16 بالاسى بار 177 792 تەڭگەدەن بەرىلەتىن بولدى.


قازىرگى تاڭدا ەڭبەك جانە حالىقتى الەۋمەتتىك قورعاۋ مينيسترلىگى، ەڭبەك، الەۋمەتتىك قورعاۋ جانە كوشى-قون كوميتەتىنىڭ اۋماقتىق دەپارتامەنتتەرى جاردەماقىنىڭ جوعارىلاۋىنا بايلانىستى 1092 جۋىق ىسكە شەشىم قابىلدادى.

جاردەماقى مولشەرى كامەلەتكە تولماعان بالالار سانىنىڭ، ونىڭ ىشىندە ورتا، تەحنيكالىق جانە كاسىپتىك ۇيىمداردا كۇندىزگى بولىمدە وقيتىن، ورتا، جوعارى جانە (نەمەسە) جوعارى وقۋ ورنىنان كەيىنگى ءبىلىم العان بالالار سانىنىڭ وزگەرۋىنە بايلانىستى قايتا ەسەپتەلەدى. بىراق ولار ءبىلىم بەرۋ ۇيىمدارىنىڭ قىزمەتى توقتاتىلىپ جانە كامەلەتكە تولعانعا دەيىن (بىراق جيىرما ءۇش جاسقا تولعانعا دەيىن) 2020 جىلدىڭ 1 شىلدەسىنەن باستاپ كوپبالالى وتباسىلار وزگەرگەن جاردەماقى مولشەرىن الا باستايدى.

سوڭعى جاڭالىقتار

ۇقساس جاڭالىقتار