بريۋسسەلدە قازاق مادەني ورتالىعى اشىلدى

رۋحانيات • 21 ماۋسىم، 2020

بريۋسسەلدە قازاق مادەني ورتالىعى اشىلدى

23 رەت كورسەتىلدى

بريۋسسەلدە قازاقستاننىڭ بەلگياداعى ەلشىلىگى جانىنداعى ء"تىل-قازىنا" قازاق مادەني ورتالىعى ءوز ەسىگىن اشتى، - دەپ حابارلايدى قازاقستاننىڭ بەلگيا كورولدىگىندەگى ەلشىلىگى.

Egemen Qazaqstan

قازاقستاننىڭ بەلگياداعى ەلشىسى ايگۇل قۇسپان سويلەگەن سوزىندە ەلشىلىك قازاق مادەني ورتالىعى ارقىلى قازاقستاننىڭ باي، كوپ قىرلى مادەنيەتىن جانە تاريحىن ناسيحاتتاۋعا نيەتتى ەكەنىن اتاپ ءوتتى.
⠀
ورتالىقتا قازاق ءتىلى مەن ادەبيەتى پانىنەن ساباقتار، قازاقستان تاريحى مەن مادەنيەتى تۋرالى سەمينارلار، ءتىپتى قازاق قولونەرى مەن قازاق تاعامدارى بويىنشا شەبەرلىك سىنىپتارىن وتكىزۋ جوسپارلانۋدا. سونىمەن قاتار ورتالىقتا ەكى جىل بۇرىن ەلشىلىك قۇرعان قازاق بي ورتالىعى ءوز جۇمىسىن جالعاستىرادى. بالالارعا "قازاق تiلi مەن قازاق ادەبيەتىنىڭ وقىتۋشىسى - فيلولوگ" ماماندىعى بويىنشا ديپلومى بار مۇعالىم، ەلشىلىك قىزمەتكەرىنىڭ جۇبايى مەيىرگۇل ساباز ۇيرەتەدى.
⠀
"بولاشاقتا ءبىز قازاقستاننان اسىراپ الىنعان بالالاردى، سونداي-اق قازاق دياسپوراسىن مادەني ورتالىعىمىزدىڭ جۇمىسىمەن تانىستىرۋدى جوسپارلاپ وتىرمىز. ولار ءۇشىن وتانىمەن بايلانىسىن ساقتاۋعا ورتالىعىمىز سەبەپكەر بولادى دەگەن ۇمىتتەمىن.
⠀
ءتىل – حالىق تاريحى، ءتىل – ۇلتتىق قازىنا، ءتىل – ءبىزدىڭ نامىسىمىز، ارىمىز، بايلىعىمىز. ءار ۇلت انا ءتىلىنىڭ وزىندىك ەرەكشەلىگىمەن، قالىپتاسۋىمەن دارالانادى. حالقىمىزدىڭ وتكەنى مەن بولاشاعى، باعا جەتپەس بايلىعى – انا ءتىلى. ولاي دەيتىن سەبەبىمىز، ءتىل – حالىقتىڭ ۇلتتىق بولمىسى، ءسانى، كەسكىن-كەلبەتى، تاريحى.
⠀
مادەني ورتالىعىمىز بارىمىزگە ورتاق "قازىنا" بولادى. "قازىنامىزدى" بايىتۋعا، كىتاپ قورىن كوبەيتۋگە، ءتۇرلى قىزىقتى ماتەريالدار ىزدەۋگە ءبارىمىز جۇمىلا كىرىسۋىمىز كەرەك. ال، ەندەشە ىسكە ءسات!" - دەدى ەلشى ا. كۇسپان.