"بالالاردىڭ كوڭىل-كۇيى وتە جاقسى. مەنىڭ ويىمشا, اتقارىلعان بارلىق شارالار – تەستىلەۋ تاپسىرۋ ۋاقىتىن ۇزارتۋ, كالكۋلياتورلاردى پايدالانۋعا رۇقسات ەتۋ, مەكتەپتەگى قورىتىندى ەمتيحانداردان بوساتۋ جانە كوپتەگەن تەگىن بايقاۋ سىناقتارى ايتارلىقتاي سەپتىگىن تيگىزدى. اتالعان پۋنكتىدە اتا-انالار بارىنشا ءتارتىپتى ساقتاپ, بالالارىن تەستىلەۋ پۋنكتىنە اكەلگەن سوڭ بىردەن كەتىپ وتىردى. بۇل وتە ماڭىزدى. ەلىمىز بويىنشا تاڭعى ساعات 8-دە بارلىق بالالار اۋديتوريالارعا كىرگىزىلدى, ويتكەنى بالالاردى كوشەدە ۇستاماي, ۇبت-نى ۋاقىتىندا باستاۋ ماڭىزدى. اۋديتوريالاردا دا بالالار ادەتتەگىدەن الدەقايدا از جانە بالالاردىڭ قاۋىپسىزدىگى ءۇشىن تەستىلەۋ تاپسىرىلاتىن لەكتەردىڭ جالپى سانى 5-تەن 15-كە دەيىن ۇزارتىلدى. سانيتاريا تالاپتارى دا تولىعىمەن ساقتالۋدا", دەدى مينيستر. 
مينيسترلىكتىڭ مالىمدەۋىنشە, اۋديتوريالار تەك 35%-عا دەيىن تولتىرىلعان, ارقايسىسىندا 10-18 ادامنان. وتكەن جىلى ءبىر اۋديتوريادا ورتاشا ەسەپپەن 50 تالاپكەردەن بولعان.
بيىل ەلىمىز بويىنشا 131 755 ادام ۇبت تاپسىرۋعا نيەت بىلدىرگەن, ونىڭ 111 109-ى نەمەسە 82% وسى وقۋ جىلىنىڭ مەكتەپ تۇلەكتەرى. جالپى, كارانتينگە قاراماستان, وتكەن جىلمەن سالىستىرعاندا ۇبت تاپسىرۋعا نيەت بىلدىرگەن تۇلەكتەردىڭ سانى 12%-عا ارتىپ وتىر.
