بۇل جۇمىستارعا رەسپۋبليكالىق بيۋدجەتتەن 2 ملرد. تەڭگەگە جۋىق قارجى بولىنگەن. سونىمەن بىرگە كۇردەلى جوندەۋ جۇمىستارى باستالعان عيماراتتار قاتارىندا وبلىس ورتالىعىنداعى قازاق جانە ورىس تەاترلارى, ەستاي اتىنداعى مادەنيەت سارايى بار.
ال "جۇمىسپەن قامتۋدىڭ جول كارتاسى" باعدارلاماسى اياسىندا جۇزەگە اسىرىلىپ وتىرعان بۇل جۇمىستار بارىسىندا 700-دەي ادام جۇمىسقا الىنعان. قۇرىلىس بارىسى قوعامدىق بەلسەندىلەر تاراپىنان قاتاڭ باقىلانۋدا.
مىسالى ءبىر قاراعاندا عيماراتى تەاترعا ۇقسامايتىن جۇسىپبەك ايماۋىتوۆ اتىنداعى قازاق مۋزىكا-دراما تەاترىنىڭ توبەسى تەسىلىپ, جاڭبىرلى كۇندەرى شاتىردان سۋ اعاتىن بولعان. قازىر كۇردەلى جوندەۋ كەزىندە عيماراتتىڭ قاسبەتى, جىلۋ جۇيەلەرى, شاتىرى جوندەلۋدە.
سونىمەن قاتار جىلۋ, سۋ جۇيەلەرى قۇبىرلارى دا ىستەن شىققان. وسىنىڭ سالدارىنان كۇزدىڭ قاتتى سۋىعى مەن قىستىڭ قىتىمىر ايازىندا عيماراتتى جىلىتۋ قيىن.
ال جوندەۋ جۇمىستارى باستالىپ كەتكەن ەستاي اتىنداعى مادەنيەت سارايىنداعى جۇمىس تا ءۇش باعىت بويىنشا جۇرگىزىلۋدە
پاۆلودار وبلىسى
