"دارىگەر ماماندىعى گيپپوكرات انتىنا ادالدىق پەن ءبىلىم عانا ەمەس, شەكسىز شىدامدىلىق, توزىمدىلىك, سەزىمتالدىق جانە رۋحاني جومارتتىق تالاپ ەتەدى. ادامزاتتىڭ ەڭ باستى قۇندىلىعى - ءومىر مەن دەنساۋلىق كۇزەتىندە جۇرگەن مەديتسينا قىزمەتكەرلەرىن كاسىبي مەرەكەمەن قۇتتىقتايمىز! سىزدەر ەڭ قيىن ساتتەردە جوعارى كاسىبيلىك پەن جاۋاپكەرشىلىك, جاناشىرلىق پەن مەيىرىمدىلىك تانىتىپ جۇرسىزدەر! ءبىز سىزدەرگە باس يەمىز!" دەدى عايسا قاپاقوۆ قۇتتىقتاۋ سوزىندە.
اشىق اسپان استىندا وتكەن كونتسەرتتىك باعدارلاما بارىسىندا ورالدىق كاسىپكەر ەلەنا ۋلانوۆا 1500 تال ورحيدەيا گ ۇلىن دارىگەرلەرگە تەگىن تاراتتى. قۇشاعى گۇلگە, كوڭىلى ءان مەن كۇيگە تولعان اق جەلەڭدى ابزال جاندار وزدەرىنە كورسەتىلگەن سىي-قۇرمەتكە ريزا بولعاننان كوزدەرىنە جاس الىپ تا جاتتى. مەديتسينا قىزمەتكەرلەرى الدىندا قازاقستان حالقى اسسامبلەياسى وڭىرلىك ەتنومادەني بىرلەستىكتەرىنىڭ وكىلدەرى ءسوز سويلەدى. ونەرپازدار دارىگەرلەرگە ارنالعان اندەردى تارتۋ ەتتى. بۇل كۇنى كوپ جىلعى ەڭبەگىمەن ەلگە تانىلعان مەديتسينا قىزمەتكەرلەرىنە العىس حاتتار, باعالى سىيلىقتار تابىس ەتىلدى.
سۋرەتتى تۇسىرگەن: رافحات حالەلوۆ
باتىس قازاقستان وبلىسى
