ونىڭ ايتۋىنشا, سوڭعى بەس جىل ىشىندە قازاقستانداعى اۋىل شارۋاشىلىق سۋبسيدياسىنىڭ كولەمى 1,2 ترلن تەڭگەنى قۇراعان جانە 2014 جىلعى 152 ملرد تەڭگەدەن 2019 جىلى 324,3 ملرد تەڭگەگە دەيىن ءوستى.
بۇل اۋىل شارۋاشىلىعى سالاسىنىڭ قارىشتاپ دامۋىنا مۇمكىندىك بەردى. سوڭعى 5 جىل ىشىندە اۋىل شارۋاشىلىعىنىڭ جالپى ءونىمى 1,7 ەسە ءوسىپ, 5,2 ترلن تەڭگەنى قۇرادى. ساراپتاما ءوسىمنىڭ سۋبسيديا الاتىن شارۋاشىلىقتارداعى ءوندىرىس كولەمىنىڭ 2 ەسەگە ارتۋىمەن بايلانىستى ەكەنىن كورسەتتى. سونداي-اق حالىقتىڭ جەكە قوسالقى شارۋاشىلىقتارىنداعى ءونىم ءوندىرىسىنىڭ ءوسىمى نەبارى 30% قۇرادى.
"اگروونەركاسىپ كەشەنى - ەكونوميكانىڭ ناقتى سەكتورى, قازىر كوپتەگەن ەلدەر كورونوۆيرۋس ىندەتىنە بايلانىستى مەملەكەتتىك قولداۋ شارالارىن كۇشەيتىپ جاتىر. مەملەكەتتىك قولداۋدىڭ پايداسى وعان يە بولعان شارۋاشىلىقتاردا بايقالادى", - دەدى ا. ساپاروۆ.
سونىمەن قاتار, ءبىرىنشى ۆيتسە-مينيستر اۋىلشارۋاشىلىق ونىمدەرىن دەلدالسىز ساتۋعا جاعداي جاساۋ ماسەلەسىنە توقتالدى. ول اۋىل شارۋاشىلىعى, ساۋدا جانە ينتەگراتسيا مينيسترلىكتەرى, سونىمەن قاتار "اتامەكەن" ۇكپ ء تيىمدى تاسىلدەردى تابۋ ءۇشىن بىرلەسىپ جۇمىس ىستەپ جاتقانىن ەسكە سالدى. قازىرگى ۋاقىتتا ارتىق ۇستەمە باعاسىز ءونىمدى وتكىزۋ ءۇشىن كوتەرمە-تاراتۋ ورتالىقتارىنىڭ جەلىسىن قۇرۋ جوباسى قاراستىرىلۋدا.
بۇدان وزگە قازىر مەملەكەت باسشىسىنىڭ تاپسىرماسى بويىنشا الماتى, جامبىل جانە تۇركىستان وبلىستارىندا "ەگىستىكتەن سورەگە دەيىن" پيلوتتىق جوباسى جۇزەگە اسىرىلۋدا.
"بۇل جوبا شاعىن جانە ورتا وندىرۋشىلەردى كووپەراتسيا نەگىزىندە قارجىلاندىرۋدى جانە وندىرىلگەن ءونىمدى بولشەك ساۋدا ورىندارىنا وتكىزۋدى كەپىلدەندىرۋ ماقساتىن كوزدەيدى. ول ءۇشىن "ەڭبەك" ناتيجەلى جۇمىسپەن قامتۋ باعدارلاماسىنىڭ جانە ايماقتىق الەۋمەتتىك جانە كاسىپكەرلىك كورپوراتسيالار ارقىلى بولشەك ساۋدا جەلىلەرىن قارجىلاندىرۋدىڭ رەسۋرستارى پايدالانىلاتىن بولادى", - دەدى اشم وكىلى.
سونداي-اق ايداربەك ساپاروۆتىڭ ايتۋىنشا, اۋىل شارۋاشىلىق ونىمدەرىن دايىنداۋ سالاسىنداعى دەلدالدار تىزبەگىن قىسقارتۋ ءۇشىن دايىنداۋ ۇيىمدارىن سۋبسيديالاۋ ەنگىزىلدى. بۇل قولداۋ شاراسىن قازىردىڭ وزىندە ۇساق شارۋاشىلىقتار مەن ءۇي شارۋاشىلىقتارىنىڭ ونىمدەرىن وڭدەۋ كاسىپورىندارىنا تىكەلەي جەتكىزۋدى قامتاماسىز ەتەتىن سەرۆيستىك-دايىنداۋ ورتالىقتارى قولدانىپ وتىر.
