40 ملن دوللارعا بالامالى قازاقستاندىق تەڭگەدەگى نەسيە جەرگىلىكتى كاسىپورىندارعا كاسىپكەرلىك قىزمەتتى جالعاستىرۋعا جانە جۇمىس ورىندارىن ساقتاۋعا كومەكتەسەدى. ساراپشىلار نەسيەنىڭ ۇلتتىق ۆاليۋتادا ۇسىنىلۋى قارىز الۋشىلاردىڭ ۆاليۋتالىق تاۋەكەلدەرىن ازايتادى. "قازىر ءبىز كليەنتتەرىمىزدىڭ بيزنەسى بەلسەندى تۇردە قالپىنا كەلتىرىلىپ جاتىر. ءبىز بۇل قارجىلاندىرۋعا جوعارى سۇرانىستى اتاپ وتەمىز جانە ەقدب-عا كاسىپكەرلىك بەلسەندىلىكتى, ونىڭ ىشىندە ءوزىن-ءوزى جۇمىسپەن قامتىعان ازاماتتاردى كوبەيتۋ ءۇشىن جۇمىس جاسايتىن قازاقستانعا ينۆەستيتسيالار تارتۋ بويىنشا بەلسەندى جۇمىسى ءۇشىن العىس بىلدىرەمىز", دەدى KMF باسقارما توراعاسى شالقار ءجۇسىپوۆ.
KMF-ءتىڭ قازاقستان بويىنشا 14 فيليالى جانە 111 بولىمشەسى بار. كۇنى بۇگىنگە دەيىن قازاقستاندا 225 000 استام كليەنتتەرگە قارجىلىق قىزمەت كورسەتتى. كومپانيا 2005 جىلدان باستاپ ەقدب سەرىكتەسى. ەقدب COVID-19 پاندەمياسىنان تۋىنداعان ەكونوميكالىق قۇلدىراۋعا جاۋاپ رەتىندە ەكى بىرلەسكەن كومەك پاكەتىن ءبولدى جانە قازىر 2020-2021 جىلدارى بيزنەسكە 21 ملرد ەۋروعا دەيىنگى جالپى ينۆەستيتسيالاردى باعىتتاۋدى جوسپارلاپ وتىر.
