تەحنولوگيا • 19 ماۋسىم، 2020

قازپوشتا شوب-قا ارنالعان جاڭا سەرۆيستى ىسكە قوستى

50 رەت كورسەتىلدى

Visa حالىقارالىق تولەم جۇيەسىنىڭ قولداۋىمەن، قازپوشتا POS Mobile برەندىمەن Tap-X-Phone تەحنولوگياسىن ەنگىزدى. ەندى كاسىپكەرلەر قىمبات pos-تەرمينالداردى ساتىپ الماي، جاڭا قوسىمشانى سمارتفوندارىنا جۇكتەپ الىپ، بيزنەستەرىن ۇنەمدى جانە فۋنكتسيونالدى نۇسقاسىنا كوشىرە الادى، دەپ حابارلايدى Egemen.kz 

كليەنتتەر تولەم كارتاسىن، سمارتفوندى نەمەسە باسقا سمارت-گادجەتتى پايدالانىپ، تاۋار اقىسىن تولەي الادى. ۇسىنىلعان تسيفرلى تەحنولوگيا تولەم ينفراقۇرىلىمىن دامىتىپ، قازاقستانداعى بايلانىسسىز تولەمدەردىڭ ەنۋ قارقىنىن ارتتىرۋعا مۇمكىندىك بەرەدى.

"قازپوشتانىڭ POS Mobile سەرۆيسى NFC تەحنولوگياسىمەن قاراپايىم سمارتفوندى POS-تەرمينالعا اينالدىرۋعا مۇمكىندىك بەرەتىن ءموبيلدى ەكۆايرينگ سالاسىنداعى جاڭا مۇمكىندىك. كاسىپكەرلەر بايلانىسسىز بانكتىك كارتالار مەن NFC بار اقىلدى قۇرىلعىلاردى قابىلداي الاتىندىعىنا قوسىمشا، دۇكەندە جۇرگىزىلگەن كەز-كەلگەن وپەراتسيالاردى قاشىقتىقتان باقىلاي الادى. ولارعا تەك Tap-X-Phone تەحنولوگياسى بار سمارتفون كەرەك"، دەيدى قازپوشتانىڭ باسقارما توراعاسى ساكەن سارسەنوۆ.

POS Mobile سەرۆيسى ارقىلى تولەمدەر Visa جانە Mastercard كارتالارىنان قابىلدانادى. كومپانيا سونىمەن قاتار "الەۋمەتتىك كارتا" جوباسىن مەكتەپ وقۋشىلارىنىڭ تاماقتانۋ اقىسىن تولەۋ جانە قازپوشتانىڭ سەرىكتەس ساۋدا نۇكتەلەرىندەگى قىزمەتتەردىڭ اقىسىن تولەۋ ءۇشىن پايدالانۋدى جوسپارلاپ وتىر.

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار