كوكشەتاۋداعى قۇرىلىس نىساندارىندا قىتاي مەن موڭعوليادان كەلىپ, ءبىلىم الىپ جاتقان 20-دان اسا جاس ەڭبەك ەتۋدە. جاستاردى جۇمىسقا قابىلداۋعا ءازىر ءالى دە 7 قۇرىلىس كومپانياسى بار.
"اقمولا وبلىسىنىڭ ىشكى ساياسات باسقارماسى, جاستار رەسۋرستىق ورتالىعى, كوكشەتاۋ قالاسىنىڭ جۇمىسپەن قامتۋ ورتالىعى نيەت بىلدىرگەن 16 مەن 29 جاس ارالىعىنداعى ستۋدەنتتەر مەن جاستاردى جازعى ماۋسىمدى جۇمىسقا شاقىرادى. جالاقىسى 85 مىڭ تەڭگەدەن باستالىپ, كۇردەلىلىگىنە قاراي كوتەرىلىپ وتىرادى", دەيدى وبلىستىق ىشكى ساياسات باسقارماسى جاستار ءىسى جونىندەگى ءبولىمىنىڭ جەتەكشىسى المات نۇكەنوۆ.
قۇرىلىس جۇمىستارىنا سىلاقشى, سىرلاۋشى, ەلەكتريك, جول جۇمىسشىسى, دانەكەرلەۋشى, بەتونشى جانە ءارتۇرلى جۇمىس ىستەي الاتىن ارنايى ماماندىعى جوق جاستار الىنادى.
