وزەكتى ماسەلەلەر بويىنشا ەلىمىزدىڭ بارلىق وڭىرىندەگى بيزنەس وكىلدەرىنەن كەلىپ تۇسكەن ۇسىنىستاردى جۇيەلەۋ قورىتىندىلارى ەگجەي-تەگجەيلى تالقىلاندى.
بيزنەستى قولداۋ جونىندەگى قوسىمشا شارالار 41 ءىس-شارانى قامتيدى جانە ساتىپ الۋدى, قازاقستاندىق قامتۋدى, اۋىل شارۋاشىلىعى تەحنيكاسىنىڭ ليزينگىن, نەسيەلەردى قايتا قارجىلاندىرۋ مۇمكىندىكتەرىن, تاۋارلاردى ەكسپورتقا ىلگەرىلەتۋ مەن راسىمدەردى وڭايلاتۋدى قوسا العاندا, كاسىپكەرلىكتىڭ قازىرگى ماسەلەلەرىن شەشۋگە باعىتتالعان.
ورتا مەرزىمدى پەرسپەكتيۆاعا ارنالعان جاڭا ەكونوميكالىق باعىتتى قالىپتاستىرۋ تاسىلدەرى تانىستىرىلدى. ەكونوميكانى يندۋستريالاندىرۋ, ينۆەستيتسيا تارتۋ, شيكىزاتتىق ەمەس ەكسپورتتى ۇلعايتۋ, ساپالى تسيفرلاندىرۋ, ينفراقۇرىلىمدى, ادامي كاپيتالدى دامىتۋ جانە ءونىمدى جۇمىسپەن قامتۋعا جاردەمدەسۋ بويىنشا نەگىزگى باعىتتار قارالدى.
ۇكىمەت باسشىسى مەملەكەتتىك ورگاندارعا ۇسىنىلعان تاسىلدەردى قاراپ, مەملەكەتتىك كوميسسيانىڭ قاراۋىنا ستراتەگيالىق جوسپار جوباسىنا شوعىرلاندىرىلعان پوزيتسيانى ەنگىزۋدى تاپسىردى.
