قازاقستان • 17 ماۋسىم، 2020

قازاقستاندا جىل سايىن قانشا توننا مىرىش پەن قورعاسىن وندىرىلەدى؟

111 رەت كورسەتىلدى

يدم ءباسپاسوز قىزمەتى حابارلاعانداي، QazIndustry بايانداماسىندا ILZSG (International Lead and Zinc Study Group) دەرەكتەرىنە سايكەس 2019 جىلى الەمدەگى مىرىش ءوندىرىسى 13،5 ملن توننانى (2018 جىلى – 13،1 ملن توننا) قۇراعاندىعى ايتىلعان. قازاقستاندا جىل سايىنعى مىرىش ءوندىرىسى 300 مىڭ توننا شاماسىندا. نەگىزىنەن ول ءىرى ءوندىرۋشى "قازمىرىش" جشس ورنالاسقان  شىعىس قازاقستان وبلىسىندا شوعىرلانعان. ول ءوندىرىستىڭ 95% استامىن قۇرايدى. بۇل - وندىرىستىك قۋاتى جىلىنا 190 مىڭ توننا وسكەمەن مەتاللۋرگيالىق كەشەنى جانە وندىرىستىك قۋاتى جىلىنا 112 مىڭ توننا جوعارى ماركالى تاۋارلى مىرىش جانە  مىرىش-اليۋميني قۇيماسىن وندىرەتىن ريددەر مەتاللۋرگيالىق كەشەنى، - دەپ جازادى Egemen.kz

شاعىن ءوندىرىس قاراعاندى وبلىسىندا ورنالاسقان: مىرىش وندىرۋمەن اينالىساتىن "KAZ Minerals" توبى جانە "نوۆا-تسينك" جشس (مىرىش جانە قورعاسىن كونتسەنتراتىن وندىرەتىن "چەليابينسك مىرىش زاۋىتى" ااق ەنشىلەس كاسىپورنى). قازاقستاندا وندىرىلگەن وڭدەلمەگەن مىرىشتىڭ 80-90%  كولەمى ەكسپورتتالادى. جەتكىزۋ گەوگرافياسى: 2019 جىلى قىتايعا مىرىشتىڭ 88%، رەسەيگە - 7%، ۋكرايناعا – 4% جىبەرىلدى. ILZSG دەرەكتەرى بويىنشا وتكەن جىلى مىرىشتى الەمدىك قولدانۋ 13،7 ملن توننانى قۇرادى (2018 جىلى – 13،6 ملن توننا).

قازاقستان اۋماعىندا وندىرىلگەن مىرىشتىڭ ءبىر بولىگى مىرىشتالعان پروكات شىعارۋ ءۇشىن "ارسەلورميتتال تەمىرتاۋ" اق-دا قولدانىلادى.

ILZSG دەرەكتەرى بويىنشا 2019 جىلى الەمدىك قورعاسىن ءوندىرىسى 11،9 ملن توننانى قۇرادى (2018 جىلى – 11،8 ملن توننا). قازاقستاندا وندىرىلەتىن قورعاسىننىڭ بارلىق كولەمى – جىلىنا 120-150 مىڭ توننا "قازمىرىش" جشس كەلەدى (2019 جىلى 99،6%).

ىشكى نارىقتا تازارتىلعان قورعاسىندى نەگىزگى پايدالانۋشى -  اككۋمۋلياتور وندىرىسىمەن اينالىساتىن "قاينار-اكب" جشس. قالعان بولىگى ەكسپورتتالادى. نەگىزگى كولەم "قازمىرىش"-تىڭ نەگىزگى اكتسيونەرى ‎Glencore كومپانياسى ورنالاسقان شۆەيتسارياعا جىبەرىلەدى.

2019 جىلى قورعاسىن پايدالانۋدىڭ تومەندەۋى قورعاسىن قىشقىلدى اككۋمۋلياتورلارداعى مەتالدى پايدالانۋدىڭ نەگىزگى باعىتىمەن بايلانىستى بولۋى مۇمكىن. ILZSG دەرەكتەرى بويىنشا 2019 جىلى الەمدىك قورعاسىن پايدالانۋ 11888 مىڭ  توننانى قۇرادى (2018 جىلى – 11906 مىڭ توننا)، قورعاسىن قىشقىلدى اككۋمۋلياتورلار ۇلەسى الەمدەگى قورعاسىنعا دەگەن سۇرانىستىڭ 80% قۇرايدى.

تاياۋ بولاشاقتا اۆتوموبيل سەكتورىندا قورعاسىن قىشقىلدى اككۋمۋلياتورلاردى ليتي-يوندى باتارەيالار الماستىرۋى مۇمكىن، بۇل الەمدە قورعاسىن پايدالانۋعا تەرىس اسەرىن تيگىزىپ، ونىڭ ءوندىرىسى تومەندەۋى ىقتيمال.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار