ايماقتار • 16 ماۋسىم، 2020

گۇلشارا ابدىقالىقوۆا: سانيتارلىق تالاپ قاتاڭ ساقتالۋى كەرەك

52 رەت كورسەتىلدى

بۇگىن وبلىس اكىمى گۇلشارا ابدىقالىقوۆانىڭ توراعالىعىمەن وبلىستىق جەدەل شتابتىڭ كەزەكتەن تىس وتىرىسى ءوتتى، - دەپ حابارلايدى Egemen.kz.

كۇن تارتىبىندە "COVID-19" كوروناۆيرۋستىق ينفەكتسياسىنىڭ الدىن-الۋ شارالارى،  "جۇمىسپەن قامتۋ جول كارتاسى" جانە "ەڭبەك" مەملەكەتتىك باعدارلامالارىنىڭ ورىندالۋ بارىسى قارالدى.

"رەسپۋبليكا بويىنشا ەپيدەميولوگيالىق جاعداي كۇردەلى، سوڭعى كۇندەرى كوروناۆيرۋس ينفەكتسياسىنىڭ كۇن سايىن 1000-عا جۋىق جاعدايى تىركەلۋدە. وبلىس اۋماعىندا جالپى 665 ادام تىركەلسە، ونىڭ 507-ءى سيمپتومدى، 158-ءى سيمپتومسىز ءتۇرى. ەپيدەميولوگيالىق احۋالعا بايلانىستى كارانتيندىك شەكتەۋلەردىڭ ساقتالۋىن قاتاڭ باقىلاۋعا الىپ، مونيتورينگتىك توپتاردىڭ جۇمىستارىن جانداندىرۋ قاجەت"، - دەدى وبلىس اكىمى.

ايماق باسشىسى زالالسىزداندىرۋ جۇمىستارىن جۇرگىزۋدى كۇشەيتىپ، وبلىستىق ءبىلءىم باسقارماسىنىڭ باسشىسىنا 12 بالاعا دەيىن  رۇقسات ەتۋدى قوسپاعاندا جالپى بالاباقشالار جۇمىسىن توقتاتا تۇرۋ جولدارىن قاراستىرۋدى تاپسىردى.

جيىندا وبلىس اكىمىنىڭ ورىنباسارى ن. بايقاداموۆ "جۇمىسپەن قامتۋ" جول كارتاسىنىڭ، ال، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ت.دۇيسەباەۆ "ەڭبەك" مەملەكەتتىك باعدارلاماسىنىڭ ورىندالۋى تۋرالى باياندادى.

وبلىس اكىمى گۇلشارا ابدىقالىقوۆا قالا جانە اۋدان اكىمدەرىنە مەملەكەتتىك باعدارلاما ارقىلى جۇمىس جۇرگىزىپ جاتقان مەردىگەر مەكەمەلەردىڭ جۇمىسشىلاردى كەلىسىمشارتپەن نەمەسە ەڭبەك شارتتارىن  "ەلەكتروندىق ەڭبەك شارتتارىن ەسەپكە الۋدىن بىرىڭعاي جۇيەسى" اۆتوماتتاندىرىلعان دەرەكقورعا ەنگىزۋ ارقىلى جۇمىسقا قابىلداۋىن قاداعالاۋدى تاپسىردى.

قىزىلوردا وبلىسى بويىنشا حالىقتى جۇمىسپەن قامتۋعا ىقپال جاساۋ جونىندەگى 2020 جىلعا ارنالعان كەشەندى جوسپار  قابىلدانعان. ونىڭ ىشىندە "ەڭبەك" مەملەكەتتىك باعدارلاماسى اياسىندا جۇمىسقا 7359 ادام تارتىلدى. ەڭبەك نارىعىندا سۇرانىسقا يە كاسىپتەر بويىنشا ماۋسىم ايىنىڭ 17-نەن باستاپ  1800 ازاماتتى قىسقا مەرزىمدى وقىتۋ جوسپارلانۋدا. سونداي-اق، 15 ماۋسىمنان  888 باعدارلاماعا قاتىسۋشى "باستاۋ بيزنەس" جوباسى بويىنشا كاسىپكەرلىك نەگىزدەرىن ونلاين رەجيمدە وقۋدى باستادى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار