قوعام • 16 ماۋسىم، 2020

"Nur Otan" پرايمەريزگە قاتىسۋشىلاردىڭ ونلاين-وقىتۋىن باستادى

150 رەت كورسەتىلدى

"Nur Otan" پارتياسىنىڭ ساياسي مەنەدجمەنت مەكتەبى پارتياىشىلىك پرايمەريزدىڭ الەۋەتتى ۇمىتكەرلەرىنە ارنالعان العاشقى ونلاين-سەمينارىن  وتكىزدى، - دەپ حابارلايدى Egemen.kz.

ەلدەگى جەتەكشى ساياسي پارتيانىڭ پاۆلودار مەن قوستاناي وبلىستارىنداعى 300-دەن استام مۇشەسى بەلگىلى مەملەكەت قايراتكەرى ەرمۇحامەت ەرتىسباەۆ، قوعامدىق ساياسات ينستيتۋتىنىڭ ديرەكتورى يۋليا كۋچينسكايا، كوۋچەر جانەل ساريەۆا جانە جۋرناليست عازيزا رايىمبەكپەن بىرگە بەينەكونفەرەنتسيا بايلانىسى ارقىلى وتكەن ءىس-شاراعا قاتىستى.

پارتيالىقتارمەن وتكەن ۆەبينار بارىسىندا ەرمۇحامەت ەرتىسباەۆ بارلىق ۋاقىتتا دا شىندىقتى ايتۋ  – دەپۋتات ءۇشىن ەڭ ماڭىزدى قاسيەت ەكەنىن اتاپ ءوتتى. ونىڭ پىكىرىنشە، حالىق قالاۋلىسى ءوز سايلاۋشىلارىنىڭ ءومىرىن جاقسى جاققا قاراي  وزگەرتۋ ءۇشىن قولىنان كەلگەنىنىڭ ءبارىن ىستەۋى ءتيىس. بىراق حالىقپەن تۇراقتى اشىق بايلانىس ورناتىلماسا، جۇمىس جەمىستى بولمايدى، دەپ ەسەپتەيدى سپيكەر. 

سونداي-اق ول "Nur Otan" پارتياسىنداعى حالىق قالاۋلىلارىنىڭ بارلىق جەردە شىن ماعىناسىنداعى ناعىز حالىقتىڭ ليدەرلەرى بولا ءبىلىپ، ەل ءۇمىتىن اقتاپ، قالىڭ بۇقارانى سوڭىنان ەرتىپ اكەتە الۋى كەرەك ەكەنىنە توقتالدى.

"قازىر ايماقتىق ليدەرلەردىڭ ۋاقىتى تۋدى، سىزدەردىڭ ارقايسىڭىز اۋداننىڭ، قالانىڭ، وبلىستىڭ ليدەرلەرىنە اينالىپ، ادامداردى ءوز ماڭايلارىڭا توپتاستىرا بىلۋلەرىڭىز كەرەك. بۇل - جاڭا ساياسي ترەند"، - دەدى ەرمۇحامەت ەرتىسباەۆ.

پارتياىشىلىك ىرىكتەۋدى وتكىزۋدىڭ ەرەجەلەرى مەن پرايمەريزدىڭ مەحانيزمى تۋرالى قوعامدىق ساياسات ينستيتۋتىنىڭ ديرەكتورى يۋليا كۋچينسكايا اڭگىمەلەپ بەردى. سپيكەر پرايمەريز وتكىزۋ كەزەڭىندەگى ۇگىت-ناسيحات جۇمىسىنا باسا نازار اۋداردى. ءوز كەزەگىندە كوۋچەر جانەل ساريەۆا جەكە باسىنىڭ بەدەلىن قالىپتاستىرۋداعى تاجىريبەسىن ايتىپ بەرسە، جۋرناليست عازيزا رايىمبەك  شەشەندىك شەبەرلىكتىڭ قۇپياسى تۋرالى ويىمەن ءبولىستى.

ۆەبيناردى ۇيىمداستىرۋشىلاردىڭ ايتۋىنشا، كۇندەلىكتى تۇرمىستا پايدالانۋدا داعدى بولىپ كەتكەن قالىپتى شەشىمدەر قازىر جۇمىس ىستەمەيدى.

"كوپشىل تۇلعانىڭ قانداي بەينەسى ءسىزدى تابىستى ساياساتكەر ەتەدى، ال قايسىسى ونداي ەتە المايدى، بۇل تۋرالى سىزدەر ءبىزدىڭ سەمينارىمىزدان بىلە الاسىزدار"، - دەدى ساياسي مەنەدجمەنت مەكتەبى ديرەكتورىنىڭ ورىنباسارى ساۋلە باقتىمبەت.

ەسكە سالا كەتەيىك، ەلباسى، "Nur Otan" پارتياسىنىڭ ليدەرى نۇرسۇلتان نازارباەۆ بيىلعى 17 تامىزدان 3 قازانعا دەيىنگى ارالىقتا پرايمەريز وتكىزۋ تۋرالى قاۋلىعا قول قويعان بولاتىن.

پرايمەريزدىڭ باستى ماقساتى – الداعى بولاتىن ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەردى ودان ءارى قالىپتاستىرۋ ءۇشىن باسەكەلەستىك كۇرەس نەگىزىندە جاڭا ليدەرلەردى انىقتاۋ.

جاڭا پىشىندەگى پارتياىشىلىك ىرىكتەۋگە ءار پارتيالىقتىڭ قاتىسۋ مۇمكىندىگى قاراستىرىلعان. ساياسي مەنەدجمەنت مەكتەبىنىڭ ونلاين-سەمينارلارى بيىلعى 7 تامىزدا اياقتالادى.

بەلگىلى ساياساتتانۋشىلار، مەملەكەت جانە قوعام قايراتكەرلەرى، پسيحولوگتار مەن جاتتىقتىرۋشىلار ۆەبيناردىڭ سپيكەرلەرى بولادى، ولاردىڭ ىشىندە ەرمۇحامەت ەرتىسباەۆ، ايدوس سارىم، راسۋل جۇمالى، اندرەي چەبوتارەۆ، ساياسات نۇربەك جانە باسقالارى بار.

وقىتۋ باعدارلاماسى ءتورت مودۋلدەن تۇرادى: پارتياىشىلىك ىرىكتەۋ - پرايمەريزدى ىسكە اسىرۋدىڭ مەحانيزمى، پرايمەريز وتكىزۋدىڭ حالىقارالىق تاجىريبەسى، بيلىكتەگى دەپۋتاتتىڭ ءرولى مەن ورنى، دەپۋتاتتىڭ بەينەسى، يميدج بەن مىنەز-ق ۇلىقتىڭ ءتيىمدى مودەلىن جاساۋ جانە ساياسي ريتوريكا. سونىمەن قاتار ينتەراكتيۆتى تالقىلاۋ، توپتاردا پراكتيكالىق جاتتىعۋلار مەن شىعارماشىلىق تاپسىرمالاردى ورىنداۋ قاراستىرىلعان.

ساباقتار بارلىق تىلەك ءبىلدىرۋشى پارتيالاستار ءۇشىن تەگىن جۇرگىزىلەدى.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار