الەم • 16 ماۋسىم، 2020

بەيجىڭدەگى ۆيرۋس ۋحاننان شىققان ۆيرۋستان قاۋىپتى

107 رەت كورسەتىلدى

ەكى ايعا جۋىق كوروناۆيرۋسكە شالدىعۋ وقيعاسى تىركەلمەي، قالىپتى ءومىر كەشكەن قىتايدا ىندەتتىڭ قايتا سوعۋىمەن بەيجىڭ قالاسىندا اسكەري ءتارتىپ ەنگىزىلدى.

11 ماۋسىم كۇنى قىتايدان شەتەلگە اتتاپ باسپاعان، ەشبىر شەتەلدىكپەن ارالاسپاعان بەيجىڭ تۇرعىنىنىڭ ۆيرۋس شىرماۋىنا تۇسكەنى تۋرالى العاشقى حابار تاراعان از كۇننىڭ ىشىندە ەل استاناسى بەيجىڭمەن ودان 147 شاقىرىم جەردەگى حەبەي  پروۆينتسياسىنىڭ 11 ملن تۇرعىنى بار باودين قالاسىندا دا اسكەري رەجيم كۇشىنە ەندى.

بەيجىڭنىڭ فەنتاي اۋدانىندا ورنالاسقان اسا ءىرى "سينفادي" بازارىندا ساتىلعان ازىق –ت ۇلىكتىڭ بىرىنەن، اتاپ ايتقاندا ەۋروپادان مۇزداتىلىپ جەتكەن ەت ونىمدەرىنەن ۆيرۋس جۇققان دەگەن  ۇيعارىممەن بازار جابىلىپ تەكسەرىسكە الىنادى. سيندافيعا كەلۋشىلەردەن تەست الىپ، ەت پەن بالىقتى جاۋكەمدەۋدە قولدانىلاتىن قۇرالداردى تەكسەرە كەلە مۇزداتىلعان بەكىرەنى بولەتىن تاقتايدان ۆيرۋس تابىلعان. ال 517 تۇتىنۋشىنىڭ اراسىنان 45 ادامدا ۆيرۋس بارلىعى انىقتالادى. وسىلايشا  107 گا جەردى الىپ جاتقان، تەك استانانى عانا ەمەس، جاقىن ماڭايداعى قالالاردى ەت، بالىق، كوكونىسپەن قامتاماسىز ەتىپ وتىرعان "سينفادي" بازارى قاۋىپ وشاعى بولىپ شىعا كەلىپ، وندا جۇمىس ىستەيتىن 10 مىڭ ادام كوروناۆيرۋستى انىقتايتايتىن تەست تاپسىرۋدا.

ال اۋرۋ ادام تۇراتىن  بەيجىڭنىڭ سيچەن اۋماعىندا سپورت ستاديونى دەرەۋ جابدىقتالعان زەرتحاناعا اينالىپ، جاقىن ماڭايدىڭ تۇرعىندارىنا اۋرۋعا تەكسەرۋ جۇرگىزىلگەن. مۇنىمەن بىرگە "سينفادي" بازارىنا 30 مامىردان باستاپ بارعان ادامداردىڭ بارىنە 14 كۇن ءوز ۇيلەرىنەن ءبىر قادام سىرتقا شىعۋعا بولمايتىنى قاتاڭ ەسكەرتىلگەن ەكەن.

ۋحان ۆيرۋسولوگيا ۋنيۆەرسيتەتىنىڭ قىزمەتكەرى يان چجانتسيۋ بەيجىڭدە اينالدىرعان ءتورت كۇننىڭ ىشىندە 79 ادامنىڭ اۋرۋعا شالدىعۋىنا قاراپ، بۇل جولعى ۆيرۋس ۋحانداعىدان جۇقپالىراق دەگەن  ويىن ايتىپتى.

دجون حوپكينس ۋنيۆەرسيتەتى تاراتقان حابارلاماعا قاراعاندا 16 ماۋسىم كۇنى الەم بويىنشا ىندەتكە شالدىققاندار سانى 8 ملن اسىپ، 188 ەلدىڭ تۇرعىنى ونىڭ شارپۋىنا ىلىنگەن.

 

    

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار