ءاربىر تەستىلەنۋشى دەزينفەكتسيانىڭ 5 كەزەڭىنەن وتەدى:
- سىرتقى كيىمدى دەزينفەكتسيالاۋ ەرىتىندىسىمەن زارارسىزداندىراتىن ارنايى توننەل ارقىلى ءوتۋ;
- سانيتارلىق قىزمەتكەرلەردىڭ اياق كيىم مەن قولدى دەزينفەكتسيالاۋ پروتسەدۋراسى;
- تەرموباقىلاۋ پروتسەدۋراسى. جوعارى تەمپەراتۋرا انىقتالعان جاعدايدا تەستىلەنۋشىگە كەزەكشى بريگادا مەن مەديتسينا قىزمەتكەرلەرىنە جەدەل كەڭەس بەرىلەدى;
- تەكسەرۋشىلەر مەن تەستىلەنۋشىلەر اراسىنداعى قاشىقتىقتى ساقتاي وتىرىپ سايكەستەندىرۋ ءراسىمى;
- رەسپيراتورلىق نەمەسە ادەتتەگى مەديتسينالىق ماسكالاردى بەرۋ.
تەستىلەۋ پۋنكتەرىنىڭ ءاربىر قاباتىنىڭ دالىزدەرىندە سانيتايزەرلەر ورناتىلادى, ال جاناسۋدى بولدىرماۋ ءۇشىن دالىزدەگى جانە اۋديتوريالارداعى بارلىق ەسىكتەر الدىن الا اشىق جاعدايدا بولادى.
تەست تاپسىرۋشىلاردىڭ ورنىنا وتىرعىزۋ الدىندا اۋديتوريالاردى مىندەتتى تۇردە جەلدەتىپ, كەمىندە 2 مەتر قاشىقتىقتى ساقتاي وتىرىپ جۇزەگە اسىرىلاتىن بولادى.
ادامداردىڭ جاپپاي جينالۋىن بولدىرماۋ ءۇشىن, سونداي-اق كارانتيندىك شارالاردى ساقتاۋ ماقساتىندا اتا-انالارعا ۇبت-عا تۇلەكتەرمەن كەلۋىنە جانە ولاردى تەستىلەۋ وتەتىن اۋماقتا كۇتۋگە تىيىم سالىنادى. ول ءۇشىن جەرگىلىكتى اتقارۋشى ورگانداردىڭ كۇشىمەن بالالاردى ۇبت-عا تاسىمالداۋدى ۇيىمداستىرۋ قامتاماسىز ەتىلەدى, ال تەستىلەۋ پۋنكتتەرىنىڭ اۋماقتارىن قۇقىق قورعاۋ ورگاندارىنىڭ قىزمەتكەرلەرى قورشايتىن بولادى.
