اتالعان قىزمەتتىڭ ءباسپاسوز مالىمەتىنە سۇيەنسەك, جەكسەنبى كۇنى تۇندە پانوراما شىڭىنا جاقىن ماڭدا اياعىنان جارالانعان تۋريست تومەنگە تۇسىرىلگەن. شىڭعا شىعىپ بارا جاتىپ, جولدان اداسقان بەس ءتۋريستىڭ ءبىرى تاۋلى ايماقتا اياعىن جارالاپ العان. تاڭعا دەيىن جالعاسقان قۇتقارۋ وپەراتسياسىنىڭ ناتيجەسى بويىنشا كۇنى كەشە تاۋدا قالعان 9 تۋريست قۇتقارىلعان.
سونداي-اق قۇتقارۋشىلار وتكەن دەمالىس كۇنى تالعار اسۋىندا بۇعاناسى شىعىپ كەتكەن 31 جاستاعى ايەلگە تاۋدىڭ ەتەگىنە تۇسۋگە كومەكتەسسە, سول كۇنى كەشكىلىك مەزگىلدە تەڭىز دەڭگەيىنەن 3 مىڭ مەتردەن استام بيىكتىكتەگى بۋكرەەۆ شىڭىندا اداسقان 3 تۋريستكە جول كورسەتىپ, ولاردىڭ قالاعا ءساتتى ورالۋىنا كومەكتەسكەن.
