پارلامەنت • 15 ماۋسىم، 2020

ماۋلەن اشىمباەۆ بيۋرو وتىرىسىن وتكىزدى

30 رەت كورسەتىلدى

سەنات توراعاسى ماۋلەن اشىمباەۆ بيۋرو وتىرىسىن وتكىزدى. وندا پالاتانىڭ 18 ماۋسىمعا جوسپارلانعان كەزەكتى وتىرىسىندا قارالاتىن ماسەلەلەر پىسىقتالدى.

سەناتورلار الداعى وتىرىس بارىسىندا قازاقستان رەسپۋبليكاسى ۇكىمەتى مەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2019 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن تىڭدايدى جانە تالقىلايتىن بولدى، دەيدى پارلامەنت سەناتىنىڭ ءباسپاسوز قىزمەتى.

ايىم ءداۋىت

سونىمەن قاتار وتىرىستا قازاقستان رەسپۋبليكاسى اكىمشىلىك راسىمدىك-پروتسەستىك كودەكسىنىڭ جوباسى مەن اكىمشىلىك راسىمدىك-پروتسەستىك زاڭناما ماسەلەلەرى بويىنشا ىلەسپە زاڭ جوباسىن، قازاقستان رەسپۋبليكاسى مەن يران يسلام رەسپۋبليكاسى اراسىنداعى ازاماتتىق ىستەر بويىنشا ءوزارا قۇقىقتىق كومەك تۋرالى كەلىسىمنىڭ راتيفيكاتسياسىن جانە زاڭناماعا بيزنەس-احۋالدى جاقسارتۋ ماسەلەلەرى بويىنشا ەنگىزىلەتىن تۇزەتۋلەردى قاراۋ جوسپارلانىپ وتىر.

سونداي-اق بيۋرودا ماجىلىستەن كەلىپ تۇسكەن زاڭ جوبالارى كوميتەتتەر اراسىندا ءبولىنىپ بەرىلدى.

قارجى جانە بيۋدجەت كوميتەتى "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىنە (سالىق كودەكسى) جانە "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى" جانە "قازاقستان رەسپۋبليكاسىنىڭ كەيبىر زاڭنامالىق اكتىلەرىنە شەتەل ۆاليۋتاسىنداعى يپوتەكالىق قارىزدار، كورسەتىلەتىن تولەم قىزمەتتەرى نارىعىنىڭ سۋبەكتىلەرىن رەتتەۋدى جەتىلدىرۋ، جالپىعا بىردەي دەكلاراتسيالاۋ جانە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوبالارى بويىنشا باس كوميتەت بولىپ بەلگىلەندى.

"قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋىلدىق ەلدى مەكەندەردە ينتەرنەتتىڭ قولجەتىمدىلىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭىنىڭ جوباسىن پىسىقتاۋ جۇمىستارىمەن ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتى اينالىساتىن بولدى.

"قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭنىڭ جوباسى اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە ءبولىندى.

باس كوميتەتتەرگە قازاقستان رەسپۋبليكاسى پارلامەنتى سەناتىنىڭ باسقا كوميتەتتەرىنىڭ ۇسىنىستارىن قورىتۋ جانە وسى قۇجاتتار بويىنشا قورىتىندىلار دايىنداۋ تاپسىرىلدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز