كەشە پارادقا قاتىسۋشىلار مىنگەن ۇشاق ماسكەۋ ماڭىنداعى "چكالوۆسكي" اسكەري اەرودرومىنا قوندى.
دايىندىق كەزىندە قازاقستاندىق اسكەري قىزمەتشىلەر "زۆەنيگورودسكي" اسكەري ساناتوريىندە تۇراتىن بولادى. دەنساۋلىق قاۋىپسىزدىگىن قامتاماسىز ەتۋ ماقساتىندا پاراد قاتىسۋشىلارىنا حالىقپەن جانە ادامدارمەن قارىم-قاتىناستى بولدىرماۋ ءۇشىن جاتتىعۋلاردان باسقا, ايماقتان تىس شىعۋعا تىيىم سالىنادى.
اسكەري قىزمەتشىلەر ماسكەۋگە كەتەر الدىندا كوروناۆيرۋسقا پتر-تەست تاپسىردى. ايتا كەتۋ كەرەك, قاتىسۋشىلار ءار ءۇش كۇن سايىن كوروناۆيرۋسقا قاتىستى پتر-تەست تاپسىرادى.
دايىندىق الدىن الۋ جانە ەپيدەمياعا قارسى ءىس-شارالار كەشەنىن مۇلتىكسىز ورىنداي وتىرىپ, كارانتيندىك شارالاردى قاتاڭ ساقتاۋ ارقىلى جۇزەگە اسىرىلاتىن بولادى. اتاپ ايتقاندا: تاۋلىگىنە ەكى رەت مەديتسينالىق تەكسەرۋ, ءۇي-جايلاردى سانيتارلىق وڭدەۋ جانە جەلدەتۋ, اسكەري قىزمەتشىلەردى قاجەتتى دەزينفەكتسيالاۋ جانە مەديتسينالىق جەكە قورعانۋ قۇرالدارىمەن قامتاماسىز ەتۋ.
جاتتىعۋلار ماسكەۋ ماڭىنداعى "الابينو" پوليگونىنىڭ الاڭىندا وتەدى. جالپى پاراد ەسەبىندەگى قازاقستاندىق اسكەري قىزمەتشىلەردىڭ ءبىرىنشى جاتتىعۋى 15 ماۋسىمعا جوسپارلانعان.
