ددسۇ توتەنشە اۋرۋلار بولىمشەسىنىڭ تەحنيكالىق توبىنىڭ باسشىسى ماريا ۆان كەركحوۆتىڭ ايتۋىنشا:
كەيبىر باعالاۋلار بويىنشا, حالىقتىڭ 6% - 41% دياپازونىندا ورتاشا ەسەپپەن 16% -عا جۋىق سيمپتومسىز ينفەكتسيا جۇقتىرۋى مۇمكىن. بىراق ءبىز كەيبىر سيمپتومسىز جانە كەيبىر سيمپتومدارى بار ادامدار ۆيرۋس جۇقتىرا الاتىنىن بىلەمىز.
ۆيرۋس جۇقتىرعان ادام جوتەلگەندە, تۇشكىرگەندە نەمەسە سويلەسكەندە مۇرنىنان نەمەسە اۋزىنان بولىنەتىن ۇساق تامشىلار ارقىلى COVID-19 جۇعۋى مۇمكىن.
اۋرۋدىڭ ينكۋباتسيالىق كەزەڭى العاشقى سيمپتومدارى پايدا بولعانعا دەيىن ورتاشا ەسەپپەن 5 كۇنگە سوزىلادى.
اۋرۋ جۇقتىرعان ادام العاشقى سيمپتومدارى پايدا بولعانعا دەيىن 2 كۇن بۇرىن, ياعني سيمپتومى كەش بىلىنگەن كەزدە جانە سيمپتومدارى پايدا بولعاننان كەيىن 7 كۇن ىشىندە ينفەكتسيا كوزى رەتىندە اينالاسىنداعىلارعا قاۋىپ توندىرەدى.
قازاقستاندا SARS-CoV-2-گە پتر تەستى وڭ ناتيجە كورسەتكەن ادامدارعا مەديتسينالىق باقىلاۋ جۇرگىزۋ ولاردىڭ ەداۋىر بولىگىندە اۋرۋدىڭ بەلگىلەرى بولماعانىن كورسەتتى.
"SARS-CoV-2" ۆيرۋسى انىقتالعان, بىراق اۋرۋدىڭ بەلگىلەرى بىلىنبەيتىن ادامداردى اسيمپتوماتيكالىق پاتسيەنتتەر نەمەسە سيمپتومسىز تاسىمالداۋشىلار دەپ اتايدى. كوبىنەسە بۇل ساناتتاعى ادامدار حالىقتىڭ بەلگىلى ءبىر توپتارىنا سكرينينگ جۇرگىزۋ كەزىندە انىقتالادى.
قازاقستاندا COVID-19 سيمپتومى جوق SARS-CoV-2-گە تەستى وڭ ناتيجە كورسەتكەن ادامدار قاشىقتان مەديتسينالىق باقىلاۋدا بولىپ, 14 كۇنگە ۇيدە وقشاۋلانادى. سيمپتومدارى پايدا بولعان جاعدايدا جۇقپالى اۋرۋلار ستاتسيونارىنا ەمدەلۋگە جاتقىزىلادى.
