"قورداي" وتكىزۋ بەكەتى قايتا جاڭعىرتىلۋدا

ايماقتار • 13 ماۋسىم، 2020

"قورداي" وتكىزۋ بەكەتى قايتا جاڭعىرتىلۋدا

30 رەت كورسەتىلدى

جامبىل وبلىسىندا "قورداي" وتكىزۋ بەكەتىن قايتا جاڭارتۋ جۇمىستارى بەلسەندى تۇردە جۇرگىزىلۋدە. 4 اي ىشىندە مەردىگەر "دورستروي" كومپانياسى جۇمىستاردىڭ جالپى كولەمىنىڭ شامامەن 50% اياقتادى، دەپ حابارلايدى يدم ءباسپاسوز قىزمەتى.

سۇڭعات ءالىپباي

وسى جىلدىڭ اقپانىندا نىساندا قۇرىلىس-مونتاجداۋ جۇمىستارى باستالعان بولاتىن. 2020 جىلدىڭ سوڭىنا قاراي مۇندا زاماناۋي قوندىرعىلارمەن جابدىقتالعان جانە اۆتوكولىكتەردىڭ قوزعالىسىنا ارنالعان 8 جولاعى بار ( 4 جولاق - قر اۋماعىنان شىعۋ، 4 جولاق - قر اۋماعىنا كىرۋ) ينفراقۇرىلىم سالىناتىن بولادى. بۇل جولاۋشىلار اعىنىن تاۋلىگىنە 6 مىڭ ادامنان 23 مىڭ ادامعا دەيىن ارتتىرۋعا مۇمكىندىك بەرەدى. اۆتوكولىكتەردى وتكىزۋ قابىلەتى تاۋلىگىنە 1 مىڭ كولىكتەن 2،5 مىڭ كولىككە دەيىن ۇلعايتىلماق.

"قورداي" بەكەتىن قايتا جاڭارتۋ كەزىندە اۆتوكولىكتەر جاقىن ورنالاسقان "قاراسۋ"، "سورتوبە" جانە "اۋقاتتى" بەكەتتەرى ارقىلى وتكىزىلەدى.

بۇدان بولەك، مەملەكەتتىك "نۇرلى جول" باعدارلاماسىنىڭ اياسىندا قازاق-قىرعىز شەكاراسىنداعى تاعى دا 7 وتكىزۋ بەكەتى رەكونسترۋكتسيادان وتەدى دەپ كۇتىلۋدە. وسىلايشا، كەلەسى جىلى "قاراسۋ" وتكىزۋ بەكەتىن جاڭعىرتۋ جۇمىستارى باستالاتىن بولادى. بۇگىنگى تاڭدا كوپىردى سالۋعا قاتىستى جوبالىق-سمەتالىق قۇجاتتامانى ازىرلەۋ جۇمىستارى جۇرگىزىلىپ جاتىر. سونىمەن قاتار، 2021 جىلى "بەساعاش" وتكىزۋ بەكەتىن قايتا جاڭارتۋ جۇمىستارى باستالادى دەپ جوسپارلانعان. قازىرگى تاڭدا جوبالاۋ-ىزدەستىرۋ جۇمىستار جۇرگىزىلۋدە.

2022 جانە 2023 جىلداردىڭ ارالىعىندا "سورتوبە" جانە "اۋقاتتى" وتكىزۋ بەكەتتەرى قايتا جاڭارتىلادى. مۇنىمەن قوسا، 2025 جىلى جامبىل وبلىسىنداعى "ايشا ءبيبى" مەن "سىپاتاي باتىر" بەكەتتەرى جانە الماتى وبلىسىنداعى "كەگەن" بەكەتى قايتا جاڭارتۋ جۇمىستارىنان وتكىزىلەدى دەپ جوسپارلانعان.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز