قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى (KAZISS) "قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىن قۇرۋ تۋرالى" قازاقستان رەسپۋبليكاسى پرەزيدەنتىنىڭ جارلىعىنا قول قويىلعانىنا ءبىر جىل تولۋىنا ورايلاستىرىپ "ULTTYQ KEŃES: حرونيكاسى. ەرەكشەلىكتەرى. ناتيجەلەرى" اتتى باسىلىمىن دايىندادى.
مەملەكەت باسشىسى ق.ك.توقاەۆ بۇل جارلىققا 2019 جىلعى 12 ماۋسىمدا ەلىمىزدەگى ەڭ جوعارعى سانالاتىن - قازاقستان رەسپۋبليكاسىنىڭ پرەزيدەنتى لاۋازىمىنا رەسمي قابىلدانعان كۇنى قول قويعانى بەلگىلى. ۇلتتىق قوعامدىق سەنىم كەڭەسىنقۇرۋ پرەزيدەنت ق.ك.توقاەۆتىڭ ءوزىنىڭ سايلاۋالدى ۋادەلەرىن ءتيىمدى قوعامدىق ديالوگ قالىپتاستىرۋ بولىگىندەگى ورىنداۋىنىڭ ايقىن دالەلى, سونداي-اق پرەزيدەنتتىڭ "حالىق ۇنىنە قۇلاق اساتىن مەملەكەت" تۇجىرىمداماسىنىڭ دامۋىنىڭ جولاشارى بولدى.
ULTTYQ KEŃES: حرونيكاسى. ەرەكشەلىكتەرى. ناتيجەلەرى» كىتابى قۇرامىنا ەكونوميكا, ادام قۇقىقتارىن قورعاۋ سالالارىنداعى تانىمال ساراپشىلار, سونداي-اق ۇكىمەتتىك ەمەس ۇيىمدار وكىلدەرى مەن مادەنيەت قايراتكەرلەرى كىرەتىن ماڭىزدى كونسۋلتاتيۆتىك-كەڭەسشى ورگان رەتىندە تانىتا بىلگەن ۇلتتىق قوعامدىق سەنىم كەڭەسى جۇمىسىنىڭ ءبىرىنشى جىلىنىڭ ناتيجەلەرىنە ارنالادى.
