ءبىراز ويلانا-تولعانا كەلە مايك تايسون جوعارىداعى ۇسىنىستان باس تارتتى. ارينە, ونى دا تۇسىنۋگە بولادى. وتكەن عاسىردىڭ سەكسەنىنشى جانە توقسانىنشى جىلداردىڭ بەل ورتاسىنا دەيىن قارسى كەلگەندەردىڭ بارلىعىن ۇرىپ جىعىپ, تورتكۇل دۇنيەنى دۇرىكتىرگەن اقش-تىڭ اتاعى جەر جارعان كاسىپقوي بوكسشىسىنىڭ بابى بۇرىنعىداي ەمەس. جاسى دا 54-كە كەلىپ قالدى. ونىڭ ۇستىنە ءومىردىڭ اششى-تۇششىسىندا ءبىراز كوردى. بۇل جاعدايدىڭ بارلىعى دەنساۋلىققا اسەر ەتپەي قويمايتىنى انىق.
برازيليانىڭ كۋريتيبا قالاسىنىڭ تۋماسى ۆاندەرلەي سيلۆا جايىندا ايتار بولساق, ول 44 جاستا, سپورتتىق كارەراسىن مۋاي-تايدان باستاعان. ودان كەيىن ەرەجەسىز جەكپە-جەكپەن شۇعىلدانىپ, كوپتەگەن بەلدى نۇسقالار بويىنشا چەمپيوندىق اتاققا قول جەتكىزدى. پرايد پەن UFC پروموۋشەندەرىندە ءوزىن تۇەبەگەيلى مويىنداتتى. ءار جىلدارى دەن حەندەرسون, كادزۋسي سۋكۋبارا, حيدەحيكو ەسيدا, مايكل بيسپينگ, كۋنگ لە جانە تاعى باسقا مىقتىلاردى ۇتتى. بارلىعى 50 كەزدەسۋ وتكىزگەن سيلۆا 35 رەت جەڭىسكە جەتتى. برازياليانىڭ بەتكەۇستارى سوڭعى رەت وسىدان ءۇش جىل بۇرىن وكتاگونعا شىعىپ, امەريكالىق چەيل سوننەننەن ۇپاي سانىمەن ۇتىلعان بولاتىن
