"جىل باسىنان بەرى ءتىلسىز جاۋدان 35 تۇرعىن ءۇي, كوپقاباتتى 12 ءۇي زارداپ شەكتى. 60 مونشا, گاراج, شارۋاشىلىق عيماراتى ورتەندى. اسىرەسە 27 مارتە ءشوپ اۋلاسى ورتەندى, بۇل وتكەن جىلعىدان ەكى ەسەگە كوپ", - دەيدى باتىس قازاقستان وبلىستىق توتەنشە جاعدايلار دەپارتامەنتى باستىعىنىڭ ورىنباسارى, ازاماتتىق قورعاۋ مايورى نۇرلان تاۋبەكوۆ.
جاز شىعىپ, ءورت قاۋىپتى كەزەڭ باستالعالى وڭىردە 3 ورمان ءورتى بولعان. كوبىنىسە جول جيەكتەرى جانعان. سونىمەن بىرگە كارانتين شارالارى اياقتالىسىمىن تابيعات اياسىنا, ورمان ىشىنە دەمالۋعا اسىققان ادامداردىڭ سالعىرتتىعىنان دا جاسىل جەلەك زارداپ شەگىپ جاتىر. نۇرلان سەيداحان ۇلى جالپى اۋدانى 1946 گا جەردىڭ وتقا جانىپ, كۇل بولعانىن ايتىپ وتىر.
تۇرعىندار كوبىنەسە ءوز ءۇيىنىڭ اينالاسىن تازالاپ, قوقىستى جاعىپ جىبەرمەك بولىپ ءجۇرىپ ءورت شىعارىپ الادى. مۇنداي سالعىرتتىق, قاۋىپسىزدىك تالابىن ساقتاماۋ سالدارى ونىڭ ءوز مۇلكىنە عانا ەمەس, كورشىلەرىنە دە ءتيىپ جاتادى. ءتىلسىز جاۋدان ءوزى زارداپ شەگەتىندەر دە بار. مىسالى, بيىلعى 6 ماۋسىمدا 1975 جىلى تۋعان ءبىر ازامات جالىننان 3 دارەجەلى كۇيىك الىپ, ورال قالالىق كوپ سالالى اۋرۋحاناعا جاتقىزىلعان. الدىن الا دەرەكتەرگە قاراعاندا بۇل ازامات تۇرمىستىق قوقىستى ورتەپ ءجۇرىپ كۇيىپ قالعان.
باتىس قازاقستان
