ايماقتار • 11 ماۋسىم، 2020

باتىس قازاقستاندا تاعى ءبىر ناۋقاس كوروناۆيرۋستان كوز جۇمدى

595 رەت كورسەتىلدى

باتىس قازاقستان وبلىسىندا تاعى ءبىر ادام كوروناۆيرۋستىق ينفەكتسيادان كوز جۇمدى. بۇل تۋرالى بۇگىن وڭىردەگى دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆ ايتتى، - دەپ حابارلايدى Egemen.kz.

مارقۇم 1941 جىلى تۋعان ايەل ادام ەكەن. 22 مامىر كۇنى ونىڭ دەنە قىزۋى 38 گراۋدۋسقا دەيىن كوتەرىلىپ، السىزدىك پايدا بولعان. 3 دارەجەلى گيپوتيرەوز، ارتەريالىق گيپەرتەنزيا سياقتى قوسىمشا اۋرۋلارى بولسا دا، مەديتسينالىق كومەككە جۇگىنبەي، ۇيدە وزدىگىنەن ەمدەلگەن. 25 مامىر كۇنى دەنساۋلىعى ناشارلاعان سوڭ ۋچاسكەلىك دارىگەرگە جۇگىنگەن. 27 مامىر كۇنى ساعات 00:40-تا وبلىستىق جۇقپالى اۋرۋلار اۋرۋحاناسىنىڭ جان ساقتاۋ بولىمىنە ءتۇسىپ، 7 ماۋسىم كۇنى ساعات 17:30-دا قايتىس بولدى.

قايتىس بولعان ناۋقاستاردىڭ ءولىم سەبەبىن زەرتتەيتىن ارنايى كوميسسيانىڭ قورىتىندىسى بويىنشا مارقۇمعا "COVID-19 كوروناۆيرۋس ينفەكتسياسى، اۋىر اعىمى (26.05.2020ج. نازوفارينگيالدى جاعىندىسى پتر رنك SARS Cov-2 - وڭ ناتيجە). ەكى جاقتى پوليسەگمەنتتى پنەۆمونيا" دەگەن دياگنوز قويىلعان. بۇعان قوسا "گيپوتيرەوز جانە جيا. جۇرەك جەتىسپەۋشىلىگى (ىركىلىسى) بار جۇرەكتى باسىم زاقىمدايتىن گيپەرتەنزيالىق (گيپەرتونيالىق) اۋرۋ" دەگەن قوسىمشا دياگنوزى دا بار.

11 ماۋسىم كۇنگى مالىمەت بويىنشا باتىس قازاقستان وبلىسىندا كوروناۆيرۋس ينفەكتسياسىنا شالدىققان ادامداردىڭ سانى 878 ادامعا جەتتى. سونىڭ ىشىندە 378 ناۋقاس ۆيرۋستى وبلىس اۋماعىنان تىس جەردەن جۇقتىرعان. بۇگىنگى تاڭدا وبلىستىق جۇقپالى اۋرۋلار اۋرۋحاناسىندا 201 ادام جاتىر. ونىڭ تورتەۋىنىڭ جاعدايى اۋىر، ارنايى تىنىس الدىرۋ اپپاراتىنا جالعانعان.

"كوروناۆيرۋسپەن كۇرەسۋگە قاجەتتى بارلىق ءدارى-دارمەك، قۇرال-جابدىق بار، ماماندار جەتكىلىكتى. ۋاقىت وتكەن سايىن تاجىريبەمىز دە تولىسىپ كەلەدى. مينيسترلىك تاراپىنان دا سوڭعى الەمدىك مەديتسينالىق زەرتتەۋلەرگە سايكەس ناقتى نۇسقاۋلار كەلىپ جاتىر. ءبىز ونىڭ ءبارىن قولدانىپ وتىرمىز. كۇنى بۇگىن باتىس قازاقستان وبلىسى اۋماعىندا وكپەنى جاساندى جەلدەتۋگە ارنالعان 130 اپپارات بار"، - دەدى جۋرناليستەرگە بولاتبەك قايۋپوۆ.

بۇگىندە باتىس قازاقستان وبلىسىندا مەديتسينا سالاسىنىڭ 107 قىزمەتكەرى رەسمي تۇردە كوروناۆيرۋس جۇقتىرعانى انىقتالعان. "ارينە، قاتەرلى دەرتپەن كۇرەستە مايداننىڭ العى شەبىندە جۇرگەندىكتەن، ءبىرىنشى سوققىنى مەديتسينا قىزمەتكەرلەرى قابىلداۋى تۇسىنىكتى. بۇل 107 ادامنىڭ ىشىندە دەزينفەكتورلار دا، جۇرگىزۋشىلەر دە، لابورانتتار دا بار"، - دەيدى وبلىستىق دەنساۋلىق ساقتاۋ باسقارماسىنىڭ باسشىسى.

سونداي-اق وڭىردە 199 ادام كوروناۆيرۋستىڭ سيمپتومسىز تۇرىمەن اۋىرعان. ولار ءۇي جاعدايىندا وقشاۋلانىپ، قابىنۋعا قارسى جانە يممۋنيتەت كوتەرەتىن ءدارى-دارمەك پەن دارۋمەندەر قابىلداپ جاتىر ەكەن.

 

باتىس قازاقستان

سوڭعى جاڭالىقتار

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار