جاپونيانىڭ عالىمدارى جەرگىلىكتى مەيسەي تىگىن كومپانياسى مەن بىرلەسىپ COVID-19 ۆيرۋسىن 4 ساعاتتا جويا الاتىن جاڭا مىس تالشىقتارىنان جاسالعان ماسكاسىن تانىستىردى.
بۇدان بۇرىنعى زەرتتەۋلەرگە (NIH) نەگىزدەلگەندە COVID-19 ۆيرۋسى پلاستيك بەتىندە 3 كۇن, مىستىڭ بەتىندە 4 ساعات ءومىر سۇرە الاتىنىن بىلگەن سوڭ دەرەۋ مىستان ماسكا جاساۋعا كىرىسكەن, ناتيجەسىندە جەرگىلىكتى مەيسەي (Meisei) تىگىن كومپانياسىمەن بىرلەسىپ مىس تالشىقتارىنان ءجىپ, سوسىن ماتا دايىندالعان.
نەگىزىندە ايتۋعا وڭاي بولعانىمەن مىس تان ءجىپ دايىنداۋ وڭاي شارۋا ەمەس, وعان ۇلكەن عىلىمي تاجىريبە مەن تەحنيكا كەرەك. مۇندا عالىمدار فوتوكاتاليتيك سپين ءادىسىن قولداندىق دەيدى.
وسى جاڭالىققا قاتىستى جاريالانعان فوتولاردى مۇقيات قاراعانىمىزدا, عالىمدار مەن تىگىن كومپانياسى وكىلدەرىنىڭ قولىنداعى تور ماسكاعا كوزىمىز ءتۇستى. مۇرىن تۇسى عانا مىس ماتادان, قالعان جەرى توردان تىگىلگەن ەكەن. بۇل قازىرگىدەي جازدىگۇنى ماسكانى تاعا الماي, تۇنشىعىپ جۇرگەندەرگە ەداۋىر سەپ بولاتىنى ءسوزسىز. ايتپاقشى, عالىمدار مەن تىگىنشىلەر مىس ماتادان قولعاپ پەن قول سۇرتكىشتەردى دە وندىرگەن.
