قالا اكىمى Instagram-داعى ءوزىنىڭ پاراقشاسىندا ەپيدەميولوگيالىق جاعداي تۇراقتالعان سوڭ ءوندىرىس, قۇرىلىس, ساۋدا مەن قىزمەت كورسەتۋ ورىندارى جۇمىستارىن كەزەڭ-كەزەڭمەن جانداندىرا باستاعانىن ەسكە سالدى.
"باستى تالاپ – سانيتارلىق نورمالاردى ساقتاۋ. ونىڭ ءوزى قيىن ەمەس, ياعني سانيتايزەر, قورعانىس بەتپەردەسى, قولعاپ پەن الەۋمەتتىك قاشىقتىق. ەگەر ءىرى كاسىپورىندار ءوز جۇمىسىن تەكسەرۋدەن كەيىن باستاسا, شاعىن بيزنەس سالاسىنا رۇقسات حابارلاما ءپرينتسيپى بويىنشا بەرىلدى. بۇل رەتتە جاۋاپكەرشىلىك جۇگى كاسىپكەرگە جۇكتەلدى", - دەپ جازدى ب. ساعىنتاەۆ.
تاجىريبە كورسەتكەندەي, جاۋاپكەرشىلىك پەن ونىڭ ماڭىزدىلىعىن تۇسىنەتىندەر كوپ ەمەس. ماماندارمەن تەكسەرىلگەن 2,4 مىڭعا جۋىق سۋبەكتىنىڭ 138-ىندە زاڭ بۇزۋشىلىق انىقتالدى. كەيبىرەۋىنىڭ قىزمەتىن توقتاتۋعا تۋرا كەلدى.
"كاسىپكەرلىك قاۋىمداستىق وكىلدەرىنەن ءوتىنىپ سۇرارىم, قىزمەت تۇرىنە قاراماستان, بەلگىلەنگەن نورمالاردى ۇستانۋ كەرەك. ەگەر قاۋىپتى ىندەتتىڭ قايتا ورشۋىنە جول بەرسەك, قالانىڭ تىنىس-تىرشىلىگىنە اۋىر سوققى بولارى انىق. ءبىر-ءبىرىمىزدى قولدايىق", - دەپ الماتى اكىمى قالا كاسىپكەرلەرىنە ۇندەۋ تاستادى.
