الەم • 11 ماۋسىم، 2020

يتاليادا COVID-19 قۇرباندارىنىڭ تۋىستارى ەل بيلىگىن سوتقا بەردى

335 رەت كورسەتىلدى

يتاليادا كوروناۆيرۋستەن قۇربان بولعان ناۋقاستاردىڭ تۋىستارى ەل بيلىگىنە قارسى سوتقا شاعىم ءتۇسىردى. ولار بيلىكتى كوروناۆيرسكە قارسى كۇرەستە وڭتايلى شەشىم قابىلداي المادى دەپ ايىپتاۋدا، - دەپ جازادى Egemen.kz

يتاليادا كوروناۆيرۋس قۇربانى بولعانداردىڭ 50-گە جۋىق تۋىسى بيلىككە قارسى رەسمي شاعىم ءتۇسىرىپ، سوتقا بەردى. حالىق ولاردى پاندەميا ورشىگەن تۇستا ءتيىمدى شەشىم قابىلداي المادى دەپ ايىپتاۋدا. بۇل ەلدەگى ۇجىم بولىپ قابىلدانعان العاشقى زاڭدى قادام. شاعىم بەرگامو پروكۋراتۋراسىنا بەرىلدى. سەبەبى، توپتىڭ باستاماشى وكىلى ستەفانو فۋسكونىڭ ايتۋىنشا، بۇل قالا يتاليا تراگەدياسىنىڭ سيمۆولى بولدى.

BBC اگەنتتىگىنىڭ مالىمەتىنشە، بەرگامو پروكۋرورلارى تەرگەۋدى پرەمەر-مينيستر دجۋزەپپە كونتەدەن باستايدى. سونداي-اق دەنساۋلىق ساقتاۋ جانە ىشكى ىستەر مينيسترلەرىنەن جاۋاپ الادى دەپ كۇتىلۋدە. تەرگەۋ بارىسىندا ۆيرۋس "قىزىل" زونادان اسىپ كەتكەنىن بىلە تۇرا، نەمبرو مەن الزانو قالالارىندا كارانتين اقپان ايىنان باستاپ نەلىكتەن جاريالانباعانى تۋرالى قارالادى.

يتاليانىڭ دەنساۋلىق ساقتاۋ ءمينيسترى دجۋليو گاللەرا 23 اقپان كۇنى نەمبرو مەن الزانودا جۇقتىرۋدىڭ كوپتەگەن جاعدايلارىنان حاباردار بولعانىن مويىندادى. سوعان قاراماستان، يتاليانىڭ سولتۇستىك ايماعى 8 ناۋرىزدان باستاپ قانا كارانتينگە جابىلدى. ەلدىڭ ورتالىق بيلىگى لومبارديا پروۆينتسياسىنىڭ بيلىگىن دەر كەزىندە شەشىم قابىلداماعانى ءۇشىن ايىپتاپ وتىر، بىراق قارسى تاراپ ەلدىڭ تۇتاس ۋچاسكىلەرىن جابۋ تۋرالى شەشىمدى فەدەرالدىق ۇكىمەت عانا قابىلداي الاتىنىن ايتادى.

سوڭعى جاڭالىقتار

ۇقساس جاڭالىقتار