ەسكى 500 تەڭگە اينالىمنان شىقتى

"2020 جىلعى 10 ماۋسىمنان كەيىن 2006 جىلعى ۇلگىدەگى نومينالى 500 تەڭگەلىك بانكنوتتار زاڭدى تولەم قۇرالى بولىپ سانالمايدى. سونىمەن بىرگە، 2017 جىلعى ۇلگىدەگى نومينالى 500 تەڭگەلىك بانكنوتتار اينالىستا بولادى جانە تولەمدەردىڭ بارلىق تۇرلەرى بويىنشا قازاقستان رەسپۋبليكاسىنىڭ بۇكىل اۋماعىندا كورسەتۋلى قۇنى بويىنشا، سونداي-اق بانك شوتىنا ەسەپكە الۋ جانە اۋدارۋ ءۇشىن قابىلداۋعا، بارلىق بانكتەر مەن ۇلتتىق پوشتا وپەراتورى شەكتەمەستەن ۇساقتاۋعا جانە ايىرباستاۋعا مىندەتتى بولىپ قالا بەرەدى"، - دەلىنگەن حابارلامادا. 

سونداي-اق، ۇلتتىق بانك 2020 جىلعى 10 ماۋسىمعا دەيىن قوسا العاندا ەسكى ۇلگىدەگى بانكنوتتاردى تولەم قۇرالى رەتىندە قابىلداۋدان باس تارتۋعا جول بەرىلمەيتىنىن دە اتاپ ءوتتى. زاڭدى تولەم قۇرالى بولىپ سانالاتىن بانكنوتتار مەن مونەتالاردى قابىلداۋدان باس تارتۋ اكىمشىلىك قۇقىق بۇزۋشىلىق تۋرالى قازاقستان رەسپۋبليكاسى كودەكسىنىڭ 206-بابىن بۇزۋعا اكەپ سوقتىرادى.

ەسكى جانە جاڭا ۇلگىلەردەگى بانكنوتتاردىڭ قاتار اينالىسى كەزەڭىندە 2006 جىلعى
ۇلگىدەگى نومينالى 500 تەڭگەلىك بانكنوتتاردى قابىلداۋدان باس تارتۋ فاكتىلەرى تۋىنداعان جاعدايدا، ءتيىستى شارالار قابىلداۋ ءۇشىن ۇلتتىق بانكتىڭ اۋماقتىق فيليالىنا ءوتىنىش جاساۋ قاجەت.