داۋىس بەرۋ ناتيجەلەرى بويىنشا قركف اتقارۋ كوميتەتىنىڭ مۇشەلەرى كاسىپوداقتار فەدەراتسياسىنىڭ جكك قۇرامىنا كىرۋى تۋرالى شەشىمدى ءبىراۋىزدان قابىلدادى.
قابىلدانعان شەشىمنىڭ كەلىسىلگەنىن اتاپ وتكەن قركف توراعاسى ساتىبالدى داۋلەتالين دۇنيە ءجۇزى بويىنشا ەكونوميكالىق ءوسىم قارقىنىنىڭ لەزدە تومەندەۋى جانە ەڭبەككەرلەردىڭ الەۋمەتتىك قورعالۋىنىڭ السىرەۋى جاعدايىندا كاسىپوداقتاردىڭ حالىقارالىق ارىپتەستەرمەن قارىم-قاتىناسىن نىعايتۋدىڭ ماڭىزدىلىعىن اتاپ ءوتتى.
"بۇگىندە دۇنيەجۇزىلىك كاسىپوداقتاردىڭ الدىندا ءتيىمدى ءوزارا بايلانىسسىز شەشۋ مۇمكىن بولمايتىن كۇردەلى مىندەتتەر تۇر. وسى رەتتە جالپىعا بىردەي كاسىپوداقتار كونفەدەراتسياسى قولداۋ مەن ىنتىماقتاستىق, ارىپتەستىك, تاجىريبە الماسۋ اكتسيالارىن ۇيىمداستىرۋ ءۇشىن ەلەۋلى الەۋەتكە يە. ءبىز ەڭبەككەرلەردىڭ الەۋمەتتىك-ەكونوميكالىق مۇددەلەرىن جان-جاقتى قورعاۋ ءۇشىن كۇش بىرىكتىرۋ ارقىلى داعدارىستى بىرلەسىپ ەڭسەرەتىندىگىمىزگە سەنىمدىمىز", - دەپ اتاپ ءوتتى قر كاسىپوداقتار فەدەراتسياسىنىڭ توراعاسى.
قركف اتقارۋ كوميتەتىنىڭ مۇشەلەرى كاسىپوداقتار فەدەراتسياسىنىڭ جكك كىرۋى ەلىمىزدەگى كاسىپوداقتار قوزعالىسىنىڭ ۇستانىمىن حالىقارالىق دەڭگەيدە كۇشەيتەتىندىگى تۋرالى ورتاق پىكىرگە كەلدى.
كىرۋ تۋرالى وتىنىشپەن بىرگە ءتيىستى ۇندەۋ جالپىعا بىردەي كاسىپوداقتار كونفەدەراتسياسىنا جىبەرىلدى.
