اتاپ ايتقاندا, پەداگوگيكا-پسيحولوگيا فاكۋلتەتىنىڭ 9, قازاق فيلولوگياسى جانە الەم تىلدەرى فاكۋلتەتىنىڭ 9, فيزيكا-ماتەماتيكا فاكۋلتەتىنىڭ 6, ونەر جانە مادەنيەت فاكۋلتەتىنىڭ 9, الەۋمەتتىك-گۋمانيتارلىق فاكۋلتەتىنىڭ 1 جانە جاراتىلىستانۋ فاكۋلتەتىنىڭ 6 ستۋدەنتى ماۋسىم-شىلدە ايلارىندا جۇمىس اتقارماق. بىلىمگەرلەر ۋنيۆەرسيتەت تاراپىنان جاتاقحانامەن قامتاماسىز ەتىلىپ, ەڭبەكاقى الادى.
– باستى ماقساتىمىز – ارۋ قالا الماتىنى اباتتاندىرۋ جۇمىستارىنا ءوز ۇلەسىمىزدى قوسۋ. اتالعان باعدارلاما اياسىندا ەڭبەكتەنەتىن ستۋدەنتتەر بۇگىنگى كۇندە كوشەلەردى, ارىق بويلارىن تازالاپ قانا قويماي, فۋتبول الاڭدارىن رەتكە كەلتىرىپ, قۋراعان اعاشتاردى كەسىپ, تاسجول جيەكتەرىن اكتەۋ سياقتى يگىلىكتى ىستەر اتقارماق. "تازا بولسا ماڭىمىز, ساۋ بولادى ءتانىمىز" دەگەندەي "جاسىل ەل" جاساقشىلارى قورشاعان ورتانىڭ كوركەيۋىنە, قوعامدىق ورىنداردىڭ تازا تۇرۋىنا ءوز سەپتىگىن تيگىزەتىن بولادى, – دەيدى قىزدار ۋنيۆەرسيتەتىنىڭ "جاسىل ەل" جاستار ەڭبەك جاساعىنىڭ مۇشەلەرى.
"ەڭبەك ەتسەڭ ەرىنبەي, تويادى قارنىڭ تىلەنبەي" دەگەن فيلوسوفيانى وسكەلەڭ ۇرپاققا ۇعىندىرىپ, جازعى دەمالىستارىن بوسقا وتكىزبەي, جۇمىس ىستەپ, قوسىمشا قارجى تابۋعا مولىنان مۇمكىندىك تۋدىردى. جىلدان جىلعا جالپىۇلتتىق باستاماعا ءۇن قاتىپ, قولداۋ ءبىلدىرۋشى ستۋدەنتتەردىڭ, جالپى جاستاردىڭ قاتارى ارتىپ كەلەدى.
– جاستار – ۇلت كەلەشەگى, قوعام ايناسى. ولارعا قاراپ بولاشاقتاعى قوعامنىڭ قانداي بولاتىنىن بولجايمىز. سوندىقتان دا وسكەلەڭ ۇرپاقتىڭ قىزىعۋشىلىعىن قوعام يگىلىگىنە قاراي بۇرۋ دۇرىس دۇنيە. جالپى, قانداي ەلدە بولسىن ازاماتتارىنىڭ, جاستارىنىڭ ەل ىسىنە ارالاسۋى جاقسى قۇبىلىس. بۇگىندە ەلىمىزدە جاستار ساياساتى جۇزەگە اسىرىلۋدا. بۇل ورايدا كوپتەگەن يگى باستامالار ءوز جەمىسىن بەرىپ كەلەدى. وسى ساياساتتى ىسكە اسىرۋدىڭ نەگىزگى مىندەتتەرىنىڭ ءبىرى – جاستاردى ەلجاندىلىققا تاربيەلەۋ, ىشكى ساياسي تۇراقتىلىقتى نىعايتۋ. اتالعان مىندەتتەردى ىسكە اسىرۋ ماقساتىندا رەسپۋبليكا بويىنشا جاستاردى پاتريوتتىق تاربيەلەۋ ءىس-شارالارى دا ازىرلەنگەن. سولاردىڭ ءبىرى – "جاسىل ەل" باعدارلاماسى, – دەپ اتاپ ءوتتى وقۋ ورنىنداعى ءباسپاسوز قىزمەتىنىڭ جەتەكشىسى جاندار اسان.
الماتى
