«توتەنشە جاعداي كەزىندە پوليتسيا قىزمەتكەرلەرىمەن بىرگە جاياۋ پاترۋلدەۋگە تارتىلعان بولاتىنبىز, سول كەزدە بەلگىسىز ادامدى جارىلعىش زاتىمەن ۇستادىق. مۇنى ەرەن ەرلىك دەپ ەسەپتەمەيمىز, سەبەبى بۇل ءار ازاماتتىڭ پارىزى. ءبىز ارقاشان ءوز وتانىمىزدى قورعاۋعا ءازىرمىز», - دەدى كۋرسانتتار ءبىراۋىزدان, دەپ حابارلادى رەجباي ءباسپاسوز قىزمەتى.
وقيعا وسى جىلدىڭ ءساۋىر ايىندا ورىن العان بولاتىن. كۋرسانتتار ەرسۇلتان بولات پەن ازات سمايىل قالا كوشەلەرىن پاترۋلدەۋ كەزىندە ولارعا ءبىر جىگىت كەلىپ بەلگىسىز ەكى ادامنىڭ ءبىرىنىڭ قولىندا گراناتاعا ۇقساس جارىلعىش زات بارىن ايتقان. كۋرسانتتار ولاردىڭ جەكە باستارىن انىقتاماق بولعان, الايدا ولار سوزگە قۇلاق اسپاي قاشۋعا ىڭعايلانعان.
ناتيجەسىندە, بۇزاقىلار ۇستالىپ, پوليتسياعا تاپسىرىلدى, گراناتا تاركىلەندى. ولاردىڭ ءبىرى بۇرىن ۇرلىق پەن قاراقشىلىق ءۇشىن سوتتالعان بولىپ شىقتى.
