اۋدان اكىمدىگىنىڭ مالىمەتىنشە, بيىل «اۋىل – ەل بەسىگى» باعدارلاماسى بويىنشا مۇنداعى سۋ قۇبىرى كۇردەلى جوندەۋدەن ءوتىپ, 107 ۇيگە اۋىز سۋ جەتكىزىلىپتى.
سۋ قۇبىرى قۇرىلىسىنىڭ قايتا قالىپقا كەلۋىنە رەسپۋبليكالىق بيۋدجەتتەن 118,8 ميلليون تەڭگە, وبلىستىق بيۋدجەتتەن 13,2 ميلليون تەڭگە ءبولىنىپتى.
ارينە تۇرعىندار قۋانىشتى. مەملەكەتتىك باعدارلامالار شاعىن اۋىلدارعا دا جەتە باستادى. اۆتوبازالىقتارعا دا از قاراجات بولىنگەن جوق. بۇل ارينە قۇپتارلىق جاعداي. بىراق وسى اۋىلدىڭ اتى قۇلاققا ەرسىلەۋ ەستىلمەي مە؟
وڭتۇستىككە بارىپ, سولتۇستىككە قونىس اۋدارۋشىلارعا «اۆتوبازاعا كوشىپ كەلىڭىزدەر» دەسەك قازاقتىعىنىڭ قايماعى بۇزىلماعان اعايىندار تۇسىنبەي قالۋى مۇمكىن عوي.
سونداي-اق اۆتوبازاعا «جالعاسقان» باشماچنوە, ۆەسەلايا روششا, لەسنوي, ميحايلوۆ, نوۆومير, وزەرنىي, يرتىشسك سەكىلدى اۋىلدىق اۋماق اتاۋلارى دا وزگەرتۋگە سۇرانىپ تۇرعانى تالاسسىز. جەرگىلىكتى بيلىكتىڭ وسى توڭىرەكتە ويلانعاندارى ءجون شىعار.
پاۆلودار وبلىسى,
جەلەزين اۋدانى
