– شاعىن بيزنەستى قولداۋ ەلىمىزدىڭ ەكونوميكاسى مەن الەۋمەتتىك سالاسىندا اسا جوعارى ماڭىزعا يە. ال كرەديتتەر مەن كەپىلدىڭ قولجەتىمدى بولۋى شوب-تىڭ, اسىرەسە ميكروبيزنەستىڭ نەگىزگى دامىتۋشى كۇشى بولىپ تابىلادى. سوندىقتان «بيزنەستىڭ جول كارتاسى-2025» باعدارلاماسىنا «ميكرو جانە شاعىن بيزنەستى ميكروكرەديتتەۋ» جاڭا باعىتى قوسىلادى, – دەدى مينيستر.
جاڭا باعىت بويىنشا كاسىپكەرلەردى 6%-دان اسپايتىن مولشەرلەمە بويىنشا سۋبسيديالاۋ ارقىلى قارجىلاندىرۋ قاراستىرىلعان. كرەديت كولەمى 5-20 ملن تەڭگە ارالىعىندا.
سونداي-اق بيزنەس سۋبەكتىلەرى كەپىلىنىڭ جەتپەۋىنە بايلانىستى ماسەلە دە شەشىمىن تاپتى – «دامۋ» ۇزاق زايمنىڭ 85%-ىنا كەپىلدىك بەرمەك. بۇل ەكى باعىت بويىنشا جۇمىستى وسى ماۋسىم ايىنىڭ ىشىندە جۇزەگە اسىرۋ جوسپارلانعان.
ەسەپ بەرۋ جيىنىندا ر.دالەنوۆ كارانتيندىك شەكتەۋلەردەن زارداپ شەككەن كاسىپورىنداردى كەشەندى قولداۋ شارالارى ميلليوننان اسا شوب سۋبەكتىسىن قامتيتىنىن ايتتى. سالىقتىق جەڭىلدىكتەردىڭ ءوزى ەكونوميكانىڭ 29 سەكتورىنداعى كاسىپورىنعا جاسالماق.
– شوب-تى دامىتۋ – ەكونوميكانى ءارتاراپتاندىرۋدىڭ, جۇمىسپەن قامتۋدىڭ, ماكروەكونوميكالىق تۇراقتىلىقتىڭ, سونداي-اق حالىققا ارنالعان قىزمەتتەر مەن تاۋارلاردى ءوندىرۋدىڭ باستى فاكتورى. وزدەرىڭىزگە بەلگىلى, قازىرگى كەزەڭدەگى كارانتيندىك شەكتەۋ شارالارى شاعىن بيزنەسكە تىكەلەي ىقپال ەتتى. سوندىقتان سالانى قولداۋ ءۇشىن سالىقتىق ىنتالاندىرۋ جاسالىپ, بەرىلەتىن كرەديت كولەمى ۇلعايتىلۋدا, – دەپ اتاپ ءوتتى مينيستر.
سالىقتىق ىنتالاندىرۋ شاراسى رەتىندە 2020 جىلعى 1 ماۋسىمعا دەيىن شوب نىساندارىن بارلىق سالىق پەن الەۋمەتتىك تولەمنەن بوساتۋ كوزدەلگەن. ەكونوميكانىڭ ءالسىز سالالارىنداعى م ۇلىك سالىعىنىڭ ستاۆكاسى جىل سوڭىنا دەيىن جويىلدى. اۋىل شارۋاشىلىعى ءونىمىن وندىرۋشىلەر دە جەر سالىعىنىڭ مولشەرلەمەسىن جىل سوڭىنا دەيىن تولەمەيدى.
اسىرەسە الەۋمەتتىك ماڭىزى بار تاۋار وندىرۋشىلەرگە ەرەكشە قولداۋ كورسەتىلۋدە. ازىق-ت ۇلىك ونىمدەرىن وتكىزۋ جانە يمپورتتاۋدا قوسىمشا قۇن سالىعىنىڭ 1 قازانعا دەيىن ازايتىلعانى وسىنى كورسەتەدى.
ەسەپ بەرۋ جيىنىندا ايتىلعانداي, ەكونوميكانىڭ قاتتى زارداپ شەككەن سالالارىندا 1 ساۋىردەن
1 قازانعا دەيىن ەڭبەكاقى تولەۋ قورىنان سالىق پەن الەۋمەتتىك تولەمگە قاتىستى سالىق مولشەرلەمەسى الىنىپ تاستالدى. بۇل جالاقىدان ۇستالاتىن جەكە تابىس سالىعى, مىندەتتى زەينەتاقى جارناسى, الەۋمەتتىك سالىق جانە الەۋمەتتىك تولەم, مىندەتتى مەديتسينالىق ساقتاندىرۋ جارناسى الىنبايدى دەگەن ءسوز.
مينيستر ميكرو جانە شاعىن بيزنەس ءۇشىن مەملەكەت باسشىسىنىڭ وتكەن جىلعى ءۇش جىلعا كىرىس سالىعىنان بوساتۋ تۋرالى باستاماسى وتە ماڭىزدى بولعانىن ايتتى.
– ناتيجەسىندە, 1 ملن-نان استام ميكرو جانە شاعىن كاسىپكەرلىك سۋبەكتىسى 3 جىل ىشىندە سالىقتان 382 ملرد تەڭگە ۇنەمدەيدى, – دەپ اتاپ ءوتتى ر.دالەنوۆ.
مينيستر ەلىمىزدەگى بەس جىل ىشىندە 2 مىڭنان استام ينۆەستيتسيالىق جوبا جۇزەگە اسىرىلاتىنىن ايتتى. جوبالاردى جۇزەگە اسىرۋدىڭ جالپى قۇنى 44 ترلن تەڭگەگە باعالانىپ وتىر.
– ينۆەستيتسيانىڭ ءىجو-دەگى ۇلەسىن 30%-عا دەيىن ارتتىرۋ ماقساتىن العا قويىپ وتىرمىز. بىلتىر بۇل كورسەتكىش 18,2%-دى قۇرادى. ينۆەستيتسيالار ەكونوميكانىڭ تۇراقتى جانە ساپالى ءوسىمىنىڭ كەپىلى بولىپ تابىلادى, – دەدى مينيستر.
ونىڭ ايتۋىنشا, ينۆەستيتسيا تارتۋ ءۇشىن احقو-نىڭ مۇمكىندىگىن كەڭىنەن قولدانۋ جوسپارلانۋدا. قولعا الىناتىن جوبالاردىڭ 5 جىلعى پۋلى جاساقتالعان.
