سونداي-اق 8 ماۋسىمنان باستاپ مەكتەپتەن تىس قوسىمشا ءبىلىم بەرۋ نىساندارى جانە ەرەسەكتەر مەن بالالارعا ارنالعان دامۋ ورتالىقتارىنىڭ قىزمەتى قايتا جاندانا باستادى. وبلىستا COVID-19 ىندەتى بويىنشا ءىس-شارالاردى ورىنداۋدى قامتاماسىز ەتۋ ماقساتىندا 65 ءموبيلدى توپ قۇرىلدى. ولاردىڭ قۇرامىنا وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ماماندارى, پوليتسيا بولىمدەرىنىڭ, «اتامەكەن» كاسىپكەرلىك پالاتاسىنىڭ, جەرگىلىكتى اتقارۋشى ورگانداردىڭ وكىلدەرى كىردى.
بۇل ىقشام توپتار دەزينفەكتسيالىق ءىس-شارالاردىڭ ساقتالۋىنا كۇنى-ءتۇنى باقىلاۋ جاسايدى. دەزينفەكتسيالىق رەجىمدى ساقتاماي, ءتارتىپ بۇزعان نىساندارعا قاتىستى اكىمشىلىك قاتاڭ جازالار قولدانىلادى. ءتىپتى كەرەك بولعان جاعدايدا ولاردىڭ جۇمىسى توقتاتىلۋى دا مۇمكىن.
قاراعاندى وبلىسىنىڭ باس مەملەكەتتىك سانيتارلىق دارىگەرىنىڭ قاۋلىسىنداعى سانيتارلىق-دەزينفەكتسيالىق رەجىمنىڭ تالاپتارىن ساقتاۋ ماسەلەسى بويىنشا مىندەتتەردى ورىنداۋ ماقساتىندا جۇرگىزىلگەن رەيدتەر 7934 نىساندى قامتىدى.
توتەنشە جاعدايلار رەجىمى كەزىندە سانيتارلىق-ەپيدەميالىق جانە دەزينفەكتسيالىق ءىس-شارالاردى ساقتاۋ بارىسىندا ءتارتىپ بۇزعان نىساندار بويىنشا 406 ءىستى سوت ورگاندارىنىڭ قاراۋىنا جىبەردى. مۇنىڭ ىشىندە 111 ءىس بويىنشا اكىمشىلىك قاماۋ شاراسى قولدانىلدى, 265 ىسكە قاتىستى
10 اەك مولشەرىندە اكىمشىلىك ايىپپۇل سالىندى. توعىز ءىس بويىنشا ەسكەرتۋ جاسالىپ, قازىر سوت قاراۋىندا ءبىر ءىس جاتىر. ەلىمىزدە توتەنشە جاعداي رەجىمى اياقتالعاندىقتان, 20 اكىمشىلىك ءىس قارالعان جوق.
توتەنشە جاعداي اياقتالعان سوڭ, نىساندار جۇمىسى قايتا جاندانعاننان كەيىن اكىمشىلىك-قۇقىقبۇزۋشىلىق تۋرالى كودەكسىنىڭ 462-بابى, 3-تارماعى بويىنشا 10 ءتارتىپ بۇزۋشىلىق انىقتالىپ, سانيتارلىق قىزمەت ورگاندارى اتالعان فاكتىلەر بويىنشا 10 ءىستى سوت ورگاندارىنىڭ قاراۋىنا جىبەردى.
بۇعان قوسا, جەر-جەردە تۇرعىندار اراسىندا جانە بارلىق مەنشىك تۇرىندەگى نىسانداردا ءتۇسىندىرۋ جۇمىستارى جۇرگىزىلۋدە.
كۆي ىندەتىنىڭ تۇرعىندار اراسىندا تارالۋىنىڭ جالعاسۋىنا بايلانىستى جولاۋشىلاردى تاسىمالداۋ بويىنشا قالاىشىلىك قوعامدىق كولىكتەردى سانيتارلىق-دەزينفەكتسيالىق رەجىمدى ساقتاۋ جانە وڭدەۋ جۇمىستارىن جۇرگىزۋ اياسىندا باقىلاۋ كۇشەيتىلدى.
بۇگىنگە دەيىن 508 اۆتوكولىك تەكسەرىلدى. ونىڭ ىشىندە 505 اۆتوبۋستا دەزينفەكتسيالىق قۇرالداردى پايدالانىپ وڭدەۋ جۇرگىزۋ, جۇرگىزۋشىلەر مەن كوندۋكتورلاردىڭ جانە جولاۋشىلاردىڭ سالماق رەجىمىن ساقتاۋى بويىنشا تەكسەرۋلەر جۇرگىزىلدى. قالعان ءۇش كولىك بويىنشا قاۋلى تالاپتارىن ورىنداۋ جانە ساقتاۋ تۋرالى اۆتوكولىك قىزمەتكەرلەرىنە ەسكەرتۋ جاسالدى.
وبلىس اۋماعىندا كارانتيننىڭ جەڭىلدەتىلۋىنە جانە ءموبيلدى توپتاردىڭ قايتا قۇرىلۋىنا بايلانىستى 2020 جىلدىڭ 18 مامىرىنان باستاپ 8856 نىسانعا قاۋلى تابىس ەتىلدى. سانيتارلىق-اعارتۋ جۇمىستارى بويىنشا اڭگىمەلەسۋ, ءدارىس وقۋ, بەينە روليكتەر ءتۇسىرۋ, باق پەن الەۋمەتتىك جەلىلەردە جاريا ەتۋ تۇرىندەگى 9955 ءىس-شارا ۇيىمداستىرىلدى.
ءبىر سوزبەن ايتقاندا, قاراعاندى وبلىسىندا باس مەملەكەتتىك سانيتارلىق دارىگەردىڭ قاۋلىسىنداعى تالاپتار مەن مىندەتتەردى ورىنداۋ بويىنشا ءىس-شارالار جۇيەلى تۇردە جالعاسىن تاپقان.
قاراعاندى وبلىسى
