جيىنعا اتىراۋ وبلىسىنىڭ اكىمى م.ج. دوسمۇحامبەتوۆ, دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ, يندۋستريا جانە ينفراقۇرىلىمدىق دامۋ ۆيتسە-مينيسترلەرى, ىشكى ىستەر, اۋىل شارۋاشىلىعى مينيسترلىكتەرىنىڭ وكىلدەرى جانە "زەردە" حولدينگىنىڭ, "ازاماتتارعا ارنالعان ۇكىمەت" كورپوراتسياسىنىڭ, وبلىستىق اكىمدىكتىڭ قۇرىلىمدىق باسشىلارى قاتىستى.
اتىراۋ وبلىسى اكىمىنىڭ ورىنباسارى ەرجان ابىلحانوۆ ءبىلىم بەرۋ, دەنساۋلىق ساقتاۋ, تكش, كولىك جانە الەۋمەتتىك سالالاردى تسيفرلاندىرۋ ناتيجەلەرىن باياندادى. سونداي-اق جيىن قاتىسۋشىلارىنا اتىراۋ قالاسىندا ىسكە اسىرىلعان بىرقاتار جوبالار مەن ەكونوميكانىڭ دامۋ قارقىنىن جەدەلدەتۋگە جانە حالىقتىڭ ءومىر ءسۇرۋ ساپاسىن جاقسارتۋعا باعىتتالعان باستامالاردى ۇسىندى.
مىسالى, ءبىلىم بەرۋ سالاسى بويىنشا 196 جالپى ءبىلىم بەرەتىن مەكتەپ 13 مىڭ كومپيۋتەرلىك تەحنيكامەن جابدىقتالعان, ال ينتەرنەتكە قولجەتىمدىلىك 97,9% - دى قۇرايدى.
جولاۋشىلار تاسىمالى مەن ەلەكتروندى بيلەتتەردى باقىلاۋ جۇيەسىنە 150 ميلليوننان استام تەڭگە جۇمسالعان. ەڭگىزىلگەن جۇيە كولەڭكەلى اينالىمنان قولما-قول اقشانىڭ 80% الۋعا مۇمكىندىك بەردى.
دەنساۋلىق ساقتاۋ سالاسىن تسيفرلاندىرۋ جوبارلارى: اۋرۋحانا جۇيەلەرىن ينتەگراتسيالاۋ, ءدارى-دارمەكتەردىڭ باعالارىن تەكسەرۋگە ارنالعان ءموبيلدى قوسىمشا, دەنساۋلىق ساقتاۋ پاسپورتتارى, تسيفرلاندىرۋ قۇرالدارى جانە ت.ب. اتالىپ ءوتىلدى.
ءوز كەزەگىندە "زەردە" حولدينگىسىنىڭ باسشىسى ا.انيسيموۆ ە-ستاندارتتى قۇرۋدى ۇسىنىپ, "اقىلدى قالا" ەتالون ستاندارتىن ەنگىزۋ بويىنشا حولدينگتىڭ جۇرگىزگەن ىشكى رەيتىنگىسىندە اتىراۋ قالاسى 5 ورىندا ەكەنىن اتاپ ءوتىپ, ازاماتتاردىڭ ءومىرى ءۇشىن قاۋىپسىزدىك پەن قولايلى جاعداي جاساۋ, قالالىق ينفراقۇرىلىم مەن كولىكتى باسقارۋدىڭ ءتيىمدى جۇيەسىن قالىپتاستىرۋعا باستى نازار اۋدارۋدى سۇرادى.
بۇنىمەن قوسا, "اقىلدى قالا" ەتالونىنىڭ باسقا دا باعىتتار بويىنشا ۇسىنىستار بەرىلدى. ولاردىڭ ءبىرى قالانى باسقارۋ كومپونەنتى.
"قالانى باسقارۋعا كەلەتىن بولساق, مۇندا ءبىز بىرىڭعاي بايلانىس ورتالىعىن, تسيفرلىق سەرۆيستەردى قولدانا وتىرىپ, وتىنىشتەردى تۇراقتى تالداۋدى قامتاماسىز ەتۋگە باسا نازار اۋدارامىز", - دەدى "زەردە" حولدينگىنىڭ باسشىسى.
اكىمدىك اعىمداعى جىلدىڭ قىركۇيەگىندە "كوركەم تەلەكوم" جشس مەملەكەتتىك جەكە ارىپتەستىك نەگىزىندە اتىراۋ قالاسىندا بەينە باقىلاۋ جوباسىن ىسكە قوسۋدى جوسپارلاۋدا. اتالاعن جوبا فوتو-بەينەتۇسىرىلىم جانە بەينەاناليتيكانىڭ ەكسپلۋتاتسيالىق جۇيەسىنىڭ كومەگىمەن جولدارداعى اپاتتىلىق 20% - عا تومەندەيدى دەپ بولجانۋدا.
جيىن قورىتىندىسى بويىنشا ا.جۇماعاليەۆ قاتىسۋشىلارعا العىسىن ءبىلدىرىپ, "Smart City" جوباسىن جۇزەگە اسىرۋ بويىنشا بىرلەسكەن جۇمىس جۇرگىزۋدى ۇسىندى.
