توتەنشە جاعداي رەجيمى كەزىندە جانە ول اياقتالعاننان كەيىن كۇنتىزبەلىك 60 كۇن ىشىندە مەرزىمى وتكەن نەمەسە وتەتىن جەكە باستى كۋالاندىراتىن قۇجاتتاردىڭ رەسپۋبليكانىڭ اۋماعىندا جارامدى دەپ تانۋ تۋرالى قر ۇكىمەتىنىڭ 2020 جىلعى 11 مامىرداعى №283 قاۋلىسى قابىلداندى. وسى باعىتتا شىمكەنت قالاسىنىڭ پوليتسيا دەپارتامەنتىمەن جۇيەلى جۇمىستار اتقارىلىپ جاتىر.
كوشى-قون قىزمەتى باسقارماسىنىڭ قىزمەتكەرلەرى اباي, ءال-فارابي, ەڭبەكشى, قاراتاۋ اۋداندارىنىڭ پوليتسيا باسقارمالارىنىڭ قىزمەتكەرلەرىمەن بىرلەسىپ, ءجۇرىپ-تۇرۋى قيىن تۇرعىندار مەن قارتتاردىڭ ۇيىنە بارىپ, قۇجاتتارىن جاڭارتۋعا قىزمەت كورسەتۋىن جالعاستىردى.
ماسەلەن, اباي اپب كققب-نىڭ ينسپەكتورى ن.ونداسينوۆ, ءال-فارابي اپب كققب-نىڭ اعا ينسپەكتورى ن.پالجيگيتوۆ, ەڭبەكشى اپب كققب-نىڭ ينسپەكتورى م.مەيىربەكوۆ, قاراتاۋ اپب كققب-نىڭ ينسپەكتورى ج.ساۋعاباەۆ قالاداعى كارانتين رەجيمى كەزىندە جەكە كۋالىگىنىڭ مەرزىمى وتكەن, مۇگەدەك جانە قارت تۇرعىندارعا كوشپەلى قىزمەت ءتۇرىن كورسەتىپ, ولاردىڭ ۇيىنە ارنايى بارىپ, جەكە كۋالىكتەرىن قايتا راسىمدەۋگە كومەكتەستى.
سونداي-اق, كوشى-قون قىزمەتى باسقارماسىنىڭ قىزمەتكەرلەرى مەن حالىققا قىزمەت كورسەتۋ ورتالىعىنىڭ قىزمەتكەرلەرىنەن قۇرىلعان ءموبيلدى توپ ۇلى وتان سوعىسىنىڭ ارداگەرلەرى, تىل ارداگەرلەرىنىڭ ۇيىنە دايىن جەكە كۋالىكتەرىن الىپ بارىپ, زاڭداستىرىپ بەردى. اتقارىلعان جۇمىستار ناتيجەسىندە, 348 تۇرعىنعا قر ازاماتىنىڭ جەكە كۋالىگى رەسىمدەلىپ, دايىن قۇجاتتارى بەرىلدى.
