بۇل ويىنشىنىڭ تولىق اتى-ءجونى – فابريتسيو باستەزيني گادەيا. يسپانيانىڭ "ينتەر موۆيستار" كلۋبىندا ونەر كورسەتىپ جۇرگەن برازيليالىق سۇرمەرگەن تالاي تولعاي تابىستارعا قول جەتكىزدى. اتاپ ايتساق, 2017 جانە 2018 جىلدارى قاتارىنان ەكى رەت ەل چەمپيونى اتانىپ, كۋبوك پەن سۋپەركۋبوكتى يەلەندى. ءدال سول كەزدەرى چەمپيوندار ليگاسىندا ەكى مارتە توپ جاردى.
2018 جىلدىڭ قورىتىندىسى بويىنشا الەمدەگى ەڭ ۇزدىك فۋتزالشىلار تىزىمىندە گادەيا ەكىنشى ورىنعا جايعاستى. ال بىلتىرعى ماۋسىمدا قارسىلاستار قاقپاسىنا 17 گول سوعىپ, ءوز كومانداسىنىڭ ەڭ مەرگەن شابۋىلشىسى رەتىندە تانىلدى.
ءسويتىپ, "قايراتتىڭ" قۇرامى تاعى ءبىر مىقتى ويىنشىمەن تولىقتى. ەستەرىڭىزگە سالا كەتەيىك, بۇعان دەيىن پورتۋگاليانىڭ «بەنفيكاسىندا» ونەر كورسەتىپ جۇرگەن برازيليالىق فەرناندينو مەن رۋمىنيا فۋتزالىنىڭ جۇلدىزى ساۆيو ۆالادارەستىڭ بيىلعى ماۋسىمدا الماتىلىق كلۋبتىڭ جەيدەسىن كيەتىنى جايىندا ءمالىم بولعان ەدى.
