بۇل سۋرەتتەردى قالا اكىمدىگىنىڭ تاپسىرىسىمەن "ديزاين سيتي" جارنامالىق اگەنتتىگى ازىرلەگەن. تامىز ايىنىڭ سوڭىنا دەيىن 21 نىسان وسىنداي ستريت ارت دەپ اتالاتىن كومپوزيتسيالارمەن ارلەنەدى.
قازىرگى ۋاقىتتا 6 كومپوزيتسيانىڭ نوبايى بەكىتىلدى. ەكى نىساندا سۋرەت سالىنۋدا. ءبىرى – ابىلايحان داڭعىلىنداعى تۇرعىن ءۇي. مۇندا ديزاينەرلەر ات ۇستىندەگى ابىلاي حاندى بەينەلەيدى. ەكىنشى نىسان – ءۋاليحانوۆ كوشەسىندە. ول جەر كورنەكتى عالىم شوقاننىڭ بەينەسىمەن بەزەندىرىلەدى.
– كەلەسى 4 نىساندا ساق ءستيلى سياقتى تاريحي سۋرەتتەر سالىنادى. ازىرگە ناقتى قانداي سۋرەتتەر بولاتىنى بەلگىسىز, – دەيدى "ديزاين سيتي" جارنامالىق اگەنتتىگىنىڭ جەتەكشىسى ولجاس ءابۋوۆ.
ستريت-ارت سالۋعا ون ادام جۇمىلدىرىلعان. الداعى كۇندەرى ولاردىڭ قاتارىنا تاعى بىرنەشە ديزاينەر قوسىلماق. ال قالا تۇرعىندارى تۇرعىن ۇيلەردىڭ تاريحي سۋرەتتەرمەن ارلەنەتىنىنە قۋانىشتى.
