سونىمەن قاتار جەرگىلىكتى وزگە ۇلت وكىلدەرىنە قازاقشانى تىلدەسۋ ارقىلى ۇيرەتۋ, ويىن قازاقشا ەركىن جەتكىزە بىلۋگە جاعداي جاساۋ ماقساتىندا «SÓILE» كلۋبى قۇرىلعان بولاتىن. بۇل ورايدا, اۋداننىڭ ماسانچي, سورتوبە, بۇلار باتىر, اۋقاتتى, بايتەرەك جانە قاراسۋ اۋىلدارىندا اشىق اسپان استىندا «SÓILE» كلۋبى اشىلىپ, اتالعان شاراعا بارلىعى 200-دەن استام ادام قاتىستى. سونداي-اق TedX ادىسىمەن اتالعان كلۋبتىڭ وتىرىسى ءوتتى.
اتالعان اۋىلداردا كلۋب وتىرىسى جازعى ماۋسىم كەزىندە اشىق اسپان استىندا اپتا سايىن وتكىزىلەدى. جىل سوڭىنا دەيىن قازاق ءتىلىن ۇيرەتۋ ساباعىنا 1500 ادامدى تارتۋ جوسپارلانىپ وتىر. ناتيجەسىندە, اۋداندا مەملەكەتتىك ءتىلدى جەتىك مەڭگەرگەن, قازاق تىلىندە ەركىن سويلەي الاتىن ورتا قالىپتاساتىن بولادى. جامبىل وبلىسىنىڭ اكىمى بەردىبەك ساپارباەۆ ءوزىنىڭ قورداي اۋدانىنا جۇمىس ساپارى بارىسىندا دا سورتوبە اۋىلىندا بولىپ, «SÓILE» كلۋبىنىڭ كەزەكتى وتىرىسىنا قاتىسقان ەدى. اكىم مۇندا تىڭداۋشىلارمەن سۇحباتتاسىپ, ءتىل – ادامنىڭ ەڭ نەگىزگى بايلىعىنىڭ ءبىرى ەكەنىن, سونىمەن قاتار قازاق ءتىلىن ۇلتارالىق قاتىناس ءتىلى رەتىندە قولدانۋ كەرەكتىگىن ايتقان بولاتىن. قازىرگى كەزدە قوردايدا تۇرعىندارعا قازاق ءتىلىن ۇيرەتۋ جۇمىستارى بەكىتىلگەن كەستەگە سايكەس جۇرگىزىلۋدە.
جامبىل وبلىسى
