حالىققا ەسەپ بەرۋ كەزدەسۋى كەزىندە ۇلتتىق ەكونوميكا ءمينيسترى رۋسلان دالەنوۆ حابارلاعانداي, سالىقتىق جەڭىلدىكتەردىڭ تەك ءوزى عانا ەكونوميكانىڭ 29 سەكتورىنداعى شوب كاسىپورىندارىن قامتيدى.
"شوب-تى دامىتۋ - ەكونوميكانى ءارتاراپتاندىرۋدىڭ, جۇمىسپەن قامتۋدىڭ, ماكروەكونوميكالىق تۇراقتىلىقتىڭ, سونداي-اق, حالىققا ارنالعان قىزمەتتەر مەن تاۋارلاردى ءوندىرۋدىڭ باستى فاكتورى. وزدەرىڭىزگە بەلگىلى, قازىرگى كەزەڭدەگى كارانتيندىك شەكتەۋ شارالارى شوب-قا, اسىرەسە شاعىن بيزنەسكە تىكەلەي ىقپال ەتتى. سوندىقتان, شوب-تى قولداۋ ءۇشىن سالىقتىق ىنتالاندىرۋ جاسالىپ, كرەديت بەرۋ كولەمى ۇلعايتىلۋدا. بيزنەس جۇرگىزۋ شارتتارىن ودان ارعى جەڭىلدەتۋ شاراسى قابىلدانۋدا", - دەپ اتاپ ءوتتى مينيستر.
اتاپ ايتار بولساق, سالىقتىق ىنتالاندىرۋ شاراسى رەتىندە 2020 جىلعى 1 ماۋسىمعا دەيىن شاعىن جانە ورتا بيزنەس سۋبەكتىلەرىن بارلىق سالىق پەن الەۋمەتتىك تولەمنەن بوساتۋ كوزدەلگەن. ەكونوميكانىڭ ءالسىز سالالارىنداعى م ۇلىك سالىعىنىڭ ستاۆكاسى جىل سوڭىنا دەيىن جويىلدى. اۋىل شارۋاشىلىعى ءونىمىن وندىرۋشىلەر ءۇشىن جەر سالىعىنىڭ مولشەرلەمەسى جىل سوڭىنا دەيىن جويىلدى. الەۋمەتتىك ماڭىزى بار ازىق-ت ۇلىك ونىمدەرىن وتكىزۋ جانە يمپورتتاۋداعى ققس 2020 جىلعى 1 قازانعا دەيىن 12%-تەن 8%-كە دەيىن ازايتىلدى.
ەكونوميكانىڭ اسا زارداپ شەككەن سالالارى بويىنشا 2020 جىلعى 1 ساۋىردەن 1 قازانعا دەيىن ەڭبەكاقى تولەۋ قورىنان سالىقتار مەن الەۋمەتتىك تولەمدەر بويىنشا سالىق مولشەرلەمەسى الىنىپ تاستالدى.
بۇل جالاقىدان ۇستالاتىن جەكە تابىس سالىعى, مىندەتتى زەينەتاقى جارناسى, الەۋمەتتىك سالىق جانە الەۋمەتتىك تولەم, مىندەتتى مەديتسينالىق ساقتاندىرۋ جارناسى الىنبايدى دەگەن ءسوز.
جالپى العاندا, جەڭىلدىكتەر شاعىن جانە ورتا بيزنەستىڭ 29 ءتۇرىن قامتيدى.
سونداي-اق, مينيستر ميكرو- جانە شاعىن بيزنەس ءۇشىن مەملەكەت باسشىسىنىڭ وتكەن جىلى ميكرو جانە شاعىن بيزنەستى ءۇش جىلعا (2020-2022 جىلدار بويىنشا) كىرىس سالىعىنان بوساتۋ تۋرالى باستاماسىن جۇزەگە اسىرۋ ماڭىزدى قولداۋ بولعانىن ايتتى.
"ناتيجەسىندە, 1 ملن-نان استام ميكرو جانە شاعىن كاسىپكەرلىك سۋبەكتىلەرى 3 جىل ىشىندە سالىقتان 382 ملرد تەڭگە ۇنەمدەيدى", - دەپ اتاپ ءوتتى دالەنوۆ.
سونداي-اق, بيزنەستى قارجىلاندىرۋعا قولجەتىمدىلىكتى كەڭەيتۋ جونىندەگى كەشەندى شارالار قابىلداندى, سەبەبى, كرەديتتەر مەن كەپىلدەردىڭ قولجەتىمدىلىگى - "شوب, اسىرەسە, ميكرو بيزنەستى دامىتۋ فاكتورى بولىپ تابىلادى".
"سوندىقتان, "بجك 2025" مەملەكەتتىك باعدارلاماسىنا "ميكرو جانە شاعىن بيزنەستى ميكروكرەديتتەۋ" جاڭا نەگىزگى باعىتى قوسىلادى. قارجىلاندىرۋ 6%-تەن اسپايتىن مولشەرلەمە بويىنشا سۋبسيديالاۋ ارقىلى جۇزەگە اسىرىلادى. قازىرگى كەزدە مۇنداي كرەديتتەر بويىنشا مولشەرلەمە جوعارى. جاڭا باعىت 6%-تىك مولشەرلەمەمەن كرەديت الۋعا مۇمكىندىك بەرەدى. كرەديتتەر اينالىمداعى قۇرالداردى تولىقتىرۋعا - 5 ملن تەڭگەگە دەيىن, وندىرىستىك قاجەتتىلىككە - 20 ملن تەڭگەگە دەيىن بەرىلەتىن بولادى. بۇل ميكروبيزنەس وكىلدەرىن بارىنشا كەڭ كولەمدە قامتۋعا مۇمكىندىك بەرەدى", - دەدى دالەنوۆ.
سونىمەن قاتار, كەپىل ۇسىنۋ ماسەلەسى دە شەشىلۋدە. دامۋ قورى نەگىزگى قارىزدىڭ 85%-ىنە دەيىن كەپىلدىك بەرۋدى قاماماسىز ەتەدى. ءمينيستردىڭ ايتۋىنشا, ميكروكرەديتتەۋدىڭ جاڭا باعىتى ءبىر اي ىشىندە ىسكە قوسىلادى دەپ جوسپارلانعان.
