قازىر ەلىمىزدىڭ اقشا ايىرباستاۋ پۋنكتتەرىندە دوللار 399,5-400 تەڭگەدەن ساتىلىپ, 397,5-398 تەڭگەگە ساتىپ الىنۋدا.
6 ماۋسىم كۇنى وتكەن وپەك+ شەشىمى مۇناي باعاسىنىڭ وسۋىنە جاعىمدى اسەر ەتكەن سەكىلدى. ونداعى بەنينەكونفەرەنتسيا تۇرىندە وتكەن مينيسترلەر باس قوسۋىندا مۇناي باعاسىن شەكتەۋ ساياساتىن شىلدە ايىندا دا جالعاستىرۋ جونىندە ۇيعارىم جاسالعان بولاتىن. وسىنىڭ ىقپالىمەن كەشە لوندون بيرجاسىندا كەشەگى كۇنى برەنت مۇنايىنىڭ باعاسى بىردەن 17 پايىزعا كوتەرىلىپ, باررەلىنە 43 دوللاردى قۇرادى. مىنە, وسى جاعدايدىڭ دوللار باعامىنا اسەر ەتكەنى سەزىلەدى.
قاششاقستان ۇلتتىق بانكى ماماندارىنىڭ پىكىرىنشە, الەمدىك مۇناي نارىعىنداعى جاعداي ەپتەپ تۇزەلىپ كەلەدى. دەگەنمەن مۇنىڭ ءوزى نارىقتا تۇراقتىلىق ورناعاندىعىن بىلدىرمەيدى. باعانىڭ قۇبىلۋىنا اسەر ەتەتىن جاعدايلار ءالى دە بولسا ساقتالىپ قالىپ وتىر. ال مۇنىڭ ەلىمىزدەگى دوللار مەن تەڭگە اراقاتىناسىنا دا ىقپال ەتەتىندىگى جوققا شىعارىلمايدى.
