ماسەلەن, پانفيلوۆ اۋدانىنا «جۇمىسپەن قامتۋدىڭ جول كارتاسى-2020» باعدارلاماسى بويىنشا 5,2 ملرد تەڭگە بولىنگەن ەكەن. بۇگىندە وڭىردەگى جۇمىس بەكىتىلگەن 55 جوبا اياسىندا قىزا تۇسكەن. بۇل اۋدان كولەمىندە 1047 ادامدى ەڭبەكپەن قامتۋعا مۇمكىندىك بەرەدى. قازىردىڭ وزىندە 523 تۇرعىن اۋداندىق جۇمىسپەن قامتۋ ورتالىعى ارقىلى جۇمىسقا ورنالاسقان.
- «جۇمىسپەن قامتۋدىڭ جول كارتاسى-2020» باعدارلاماسى اۋدانداعى بىرقاتار ماسەلەنى شەشەدى. وڭىردە ۇزاق ۋاقىت قاراۋسىز قالعان عيماراتتار ءالى دە بار. قازىر اۋىلداعى وسىنداي ءبىر مادەنيەت ۇيىنە كۇردەلى جوندەۋ جۇرگىزىپ جاتىرمىز. ال تۇرعىندار تىعىز قونىستانعان اۋىلعا جاڭا امبۋلاتوريا سالىنۋدا. ەكى مەكتەپكە كۇردەلى جوندەۋ جۇمىسى باستالسا, باستى ماسەلە بولعان ەكى ەلدى مەكەندە اۋىز سۋ جۇيەسىنىڭ قۇرىلىس جۇمىستارى جاندانۋدا. كوشەلەردى جارىقتاندىرۋ, جول سالۋ, پاركتەردى اباتتاندىرۋ سياقتى جۇمىستاردىڭ بارلىعى وسى باعدارلاما ارقىلى بولىنگەن قاراجاتپەن جاسالۋدا. بيىل ءبىز قارجى كوزىن تاۋىپ اۋدانداعى 50 مەكتەپتىڭ ىشىنە تولىقتاي دارەتحانا سالۋدى جوسپارلاعان ەدىك. ەندى جول كارتاسى بويىنشا 24 مەكتەپتىڭ ىشىنە دارەتحانا سالۋعا قارجى ءبولىنىپ, ونىڭ دا جۇمىستارى باستالدى,- دەيدى پانفيلوۆ اۋدانىنىڭ اكىمى تالعات ومىراليەۆ.
جۇمىسپەن قامتۋدىڭ جول كارتاسى اياسىنداعى جۇمىس كوكسۋ اۋدانىندا دا جالعاسۋدا. بۇگىندە ءوڭىر بويىنشا 26 جوبانىڭ تۇساۋى كەسىلىپ, ناتيجەسىندە 400 ادام جۇمىسپەن قامتىلىپ وتىر. جول كارتاسى بويىنشا بولىنگەن قارجى نەگىزىنەن الەۋمەتتىك نىسانداردى كۇردەلى جوندەۋ مەن جاڭادان سالۋعا باعىتتالىپتى. ماسەلەن, كوكسۋ اۋدانىنا قاراستى اينابۇلاق تەمىرجول بەكەتىندەگى دارىگەرلىك امبۋلاتوريا عيماراتى قۇلاۋدىڭ ازا-اق الدىندا تۇرعان ەدى. بولىنگەن قارجىنىڭ ارقاسىندا مەديتسينا مەكەمەسىنىڭ عيماراتى جاڭادان سالىناتىن بولدى. 20 ادامدى قابىلداۋعا ارنالعان شاعىن ەمحانا قۇرىلىسى 3 ايدا اياقتالىپ, قولدانىسقا بەرىلمەك. ايتپاقشى, وسى بەكەتتەگى شاڭى شىعىپ جاتقان رامازانوۆ كوشەسى دە جوندەلىپ جاتىر ەكەن. مەردىگەر كومپانيا بۇل ءىستى 1 ايدا تولىقتاي ءارى ساپالى ەتىپ اياقتاماقشى.
سونداي-اق اۋداندا 5 بىردەي ءبىلىم نىسانىندا كۇردەلى جوندەۋ جۇمىسى ءبىر مەزەتتە باستالعان ەكەن. ونىڭ قاتارىندا جامبىل ورتا مەكتەبىنىڭ, ز. تامشىباي اۋىلىنداعى مەكتەپتىڭ سپورت الاڭىن ابباتتاندىرۋ, اقىن قابان جىراۋ اتىنداعى ورتا مەكتەپتىڭ سپورت الاڭىن اعىمداعى جوندەۋدەن وتكىزۋ جانە 10 جىلدىق قازاقستان اۋىلىنداعى شاعىن فۋتبول, ۆولەيبول الاڭدارىن رەتكە كەلتىرۋ, العاباس اۋىلىنداعى 1989 جىلى سالىنعان ورتا مەكتەپتى ورتاشا جوندەۋدەن وتكىزۋ سياقتى جوبالار بار. بىلتىر قىزىلتوعان اۋىلىندا 120 ورىندىق مەكتەپ قۇرىلىسى باستالعان بولاتىن. قازىر جۇمىس قايتا جانداندى. ەكى قاباتتان تۇراتىن اۋىل مەكتەبى جاڭا وقۋ جىلىندا ەسىگىن ايقارا اشپاق.
- «جۇمىسپەن قامتۋدىڭ جول كارتاسى – 2020» باعدارلاماسى اياسىنداعى جۇمىستاردى ورتالىقتان الىستاعى اۋىلداردىڭ ماسەلەسىن شەشۋدەن باستادىق. ناتيجەسىندە الەۋمەتتىك نىساندار جاڭعىرتىلىپ, اۋىل تۇرعىندارىن جۇمىسپەن قامتۋ جايى دا ەسكەرىلەدى. قازىر اۋدانداعى بىرنەشە اۋىلدىڭ دارiگەرلiك امبۋلاتورياسىنا كۇردەلi جوندەۋ جۇمىستارى جۇرگiزiلۋدە. قۇرىلىسشىلار دا اۋىل تۇرعىندارى اراسىنان تارتىلۋدا. باستىسى, قۇرىلىس جۇمىستارى اياقتالعاننان كەيىن بۇل امبۋلاتوريالارعا زاماناۋي مەديتسينالىق قۇرىلعىلار مەن جابدىقتار قويىلادى, - دەيدى كوسۋ اۋدانىنىڭ اكىمى الماس ءادىل.
ايتپاقشى, جول كارتاسى اياسىندا بولىنگەن قارجىنىڭ شاراپاتىن ەسكەلدى اۋدانىنداعى باقتىباي اۋىلىنىڭ تۇرعىندارى دا كورەتىن بولدى. وسى اۋىلداعى مادەنيەت ءۇيى كۇردەلى جوندەۋدەن وتەدى. وبالى نەشىك, ءبىر كەزدەرى ەلدى مەكەندەگى ەڭ ەڭسەلى عيمارات بولعان كوپشىلىك ورنى جابىلىپ, ۋاقىت وتە كەلە توزىپ, ەسكىرگەن ەدى. جاقىندا 20 جىل بويىنا جابىق تۇرعان وسى مادەنيەت ءۇيىن جوندەۋگە شەشىم قابىلدانىپتى. وعان «جۇمىسپەن قامتۋدىڭ جول كارتاسى – 2020» باعدارلاماسى اياسىندا 864,6 ملن تەڭگە قارجى بولىنگەن ەكەن. جوندەۋ جۇمىسىنا جەرگىلىكتى جۇمىسسىزداردى تارتۋ كوزدەلگەن. جالپى, ەسكەلدى اۋدانى بويىنشا جول كارتاسى بويىنشا 59 جوبا جۇزەگە اسپاقشى. ونىڭ دەنى اۋىلدارداعى الەۋمەتتىك نىسانداردان تۇرادى. وسى ماقساتقا 3 ملرد تەڭگەدەن استام قارجى جۇمسالماق.
