ەكوپاكەت – تابيعات پەن قورشاعان ورتاعا قامقور تۇرعىندار تاڭداۋى. الەمدە قاعاز قاپتاما جەر ءجۇزىن لاستاعان پوليەتيلەنگە بالاما بولىپ وتىر. كوكشەتاۋلىق باستاماشىل جاستار «ەكوپاكەت» ءوندىرىسىن قولعا العان. ءوندىرىسى كۇردەلى, شيكىزاتى قىمبات بولسا دا, جاس بۋىن ءوڭىر تۇرعىندارى تابيعاتتى ساقتاۋعا نازار اۋدارادى دەگەن سەنىمدە.
– بۇل ەكولوگيالىق پاكەتتەر تەگىن تاراتىلادى. كوكشەتاۋ قالاسىندا ءۇش سۋپەرماركەتتە بار. تۇرعىندار بۇل پاكەتتەردى جاقسى قابىلداۋدا. وڭ پىكىرلەر ءبىلدىرىپ جاتادى, – دەيدى «ەكوپاكەت» جوباسىنىڭ مەنەدجەرى رىسبەك ومىرعاليەۆ.
جاس كاسىپكەرلەر وندىرىستىك جەلىنى وزگە دە قاپتاما تۇرلەرىن وندىرۋگە بەيىمدەۋدى جوسپارلاپ وتىر. تسەمەنت, اعاش كومىرى ءتارىزدى قۇرعاق ونىمدەر دە قاعازبەن قاپتالادى. قازىر ءونىم قۇنى قاپتاما سىرتىنداعى جارناما ارقىلى اقتالۋدا. قولدانىلاتىن جەلىم مەن بوياۋ ادام اعزاسىنا زيانسىز.
– سونداي-اق, پاكەتكە قانداي دا ءبىر اقپاراتتى باسۋ ءۇشىن, تابيعي تازا بوياۋلار قولدانىلادى. بۇل ازىق-ت ۇلىك تاۋارلارى ءۇشىن ارنايى ويلاستىرىلعان شەشىم. سونداي-اق, قاعاز قاپتاماداعى زاتتار ۇزاق ساقتالادى, – دەيدى «ەكوپاكەت» جوباسىنىڭ مەنەدجەرى انەل قارىمساقوۆا.
باستىسى, تۇرعىندار سانالى تاڭداۋ جاساۋعا داعدىلانسا ەكەن دەيدى تابيعات جاناشىرلارى.
كوكشەتاۋ قالاسى
