شەشىم حالىقارالىق بياتلون فەدەراتسياسى اتقارۋشى كوميتەتىنىڭ ەكىكۇندىك ۆيدەوكونفەرەنتسياسىندا تالقىلانىپ, قابىلداندى. بياتلوننان جازعى الەم چەمپيوناتى 19-23 تامىزدا گەرمانيانىڭ رۋپولدينگ قالاسىندا جوسپارلانعان بولاتىن. گەرمانيا ۇكىمەتى بۇقارالىق ءىس-شارا وتكىزۋدى 2020 جىلدىڭ 31 تامىزىنا دەيىن تىيىم سالعان. سونىڭ سالدارىنان, گەرمانيا شاڭعى سپورتى فەدەراتسياسى مەن رۋپولدينگتەگى ۇيىمداستىرۋ كوميتەتى جارىستى وتكىزۋدەن باس تارتىپ, IBU-عا جارىستى وتكىزۋ قۇقىعىن قايتارىپ بەردى. IBU الەمدە بولىپ جاتقان جاعدايدى ءجىتى قاداعالاپ جارىستى كەيىنگە قالدىرۋدى قالاعانىمەن, COVID-19 ىندەتىنىڭ ورشۋىنە بايلانىستى دۇنيەجۇزىلىك بىرىنشىلىكتى وتكىزبەۋدى ەڭ دۇرىس شەشىم دەپ قابىلدادى.
ال 10-13 قىركۇيەككە جوسپارلانعان IBU كونگرەسى 2020 جىلدىڭ 13-15 قاراشاسىنا قالدىرىلدى.
