وبلىس اكىمى ءباسپاسوز قىزمەتىنىڭ حابارلاۋىنشا, بۇعان دەيىن قۇرمانعازى اۋدانىنداعى اقكول اۋىلىنىڭ 72 جاستاعى تۇرعىنى ەكى جاقتى پنەۆمونيامەن اۋداندىق ورتالىق اۋرۋحانانىڭ جۇقپالى اۋرۋلار بولىمىنە جاتقىزىلىپتى. ناۋقاستىڭ ارتەريالدى گيپەرتەنزيا, تامىردان شىققان پروگرەسسيۆتى ديسكركۋلياتورلى ەنتسەوپاتيا, باۋىر ستەاتوزى, سوزىلمالى پانكرەاتيت اۋرۋلارى بولعان ەكەن. سول سەبەپتەن, 4 ماۋسىمدا قاۋىپتى ىندەتتىڭ بار-جوعىن انىقتاۋ ءۇشىن تەكسەرۋ جۇرگىزىلىپتى. كەيىن, 6 ماۋسىمدا تالداۋ قورىتىندىسىمەن كوروناۆيرۋس يرفەكتسياسىنىڭ بارى ناىقتالدى.
– ناۋقاستى وبلىستىق جۇقپالى اۋرۋلار اۋرۋحاناسىنا اۋىستىرۋعا دايىنداپ ەدى. بىراق ونىڭ جاعدايى كۇرت ناشارلاپ كەتتى. دارىگەرلەر جۇرەك-وكپە رەانيماتسياسىن جاسادى. الايدا بۇل ناتيجەسىز بولدى. وكىنىشكە قاراي, ناۋقاس كوز جۇمدى, - دەپ حابارلادى وبلىس اكىمىنىڭ ءباسپاسوز قىزمەتى.
