قىسقى وليمپيادانىڭ كۇمىس جۇلدەگەرى ۆلاديمير ساحنوۆ تۋىپ-وسكەن ساندىقتاۋ جەرىندە دانقتى سپورتشىنىڭ ءىزباسارلارى جەلكىلدەپ ءوسىپ كەلەدى. كارانتينگە بايلانىستى قىسقى سپورت ماۋسىمى مەرزىمىنەن بۇرىن اياقتالىپ, جەرگىلىكتى شاڭعىشىلار دۋلى دودالارعا تۇسە الماي قالعاندارىنا وكىنىشتى.
– كارانتينگە بايلانىستى كوپتەگەن جارىستارعا قاتىسا الماي قالدىق. ءتىپتى قىسقى وليمپيادانىڭ كۇمىس جۇلدەگەرى ۆلاديمير ساحنوۆتىڭ ءتۋرنيرى دە وتپەدى. ونلاين رەجيمدە جۇمىس ىستەگەنىمىزبەن ودان ءتيىمدى ناتيجە شىقپايتىنى بەلگىلى. شاڭعىشىلار ۇنەمى تازا اۋادا شاڭعى جولىندا تەر توگۋى قاجەت. بۇگىننەن باستاپ ءوزىمىزدىڭ شاڭعى بازامىزدا جاتتىعۋ جاساي باستادىق. سانيتارلىق تالاپتاردى ساقتاپ, شەبەرلىگىمىزدى شىڭداي بەرەمىز, – دەيدى باپكەر يۆان سپيريدونيدي.
شاڭعى سپورتىنىڭ مەكەنى سانالاتىن ساندىقتاۋدان ءالى دە تالاي قىسقى وليمپيادا جۇلدەگەرى شىعارىنا ءۇمىت وتى سونبەيدى.
