بۇعان دەيىن وڭىردەگى ەپيدەميولوگيالىق احۋال تۇراقتى بولاتىن. وتكەن اپتادا كورسەتكىش ءبىر جارىم پروتسەنتكە تومەندەگەن بولاتىن. كارانتين رەجيمى جەڭىلدەتىلگەننەن كەيىن, تۇرعىندار تاراپىنان سالعىرتتىق اڭعارىلا باستادى. بالكىم, سونىڭ سالدارىنان ءوسىم كورسەتكىشى كوبەيىپ كەلەدى. ماسەلەن, وتكەن مامىر ايىندا ۆيرۋس جۇقتىرعان 60 ادام تىركەلسە, سوڭعى 5 كۇندە 23 دەرەك انىقتالدى. ىندەتتىڭ گەوگرافيالىق اۋماعى دا كەڭەيگەن. بۇرىن ەلوردانىڭ ىرگەسىندەگى ەلدىمەكەندەر عانا ىندەت وشاعى ەسەبىندە سانالىپ ەدى, بۇگىندە قورعالجىن, ەرەيمەنتاۋ, زەرەندى اۋداندارىندا دا ۆيرۋستىڭ ەتەك جايعانى بايقالادى. تسەلينوگراد اۋدانى قاراوتكەل ەلدىمەكەنىندە ءبىر وتباسىنىڭ 5 ادامىنان ۆيرۋس انىقتالعان.
– بۇگىندە زەرەندى اۋدانىنا ەپيدەميولوگيالىق ساراپتاما جاسالۋدا. ال ۆيرۋس جۇقتىرعان ناۋقاستار اۋرۋحاناعا جاتقىزىلىپ, ەم قابىلداۋدا. ىندەتتى جۇقتىرۋ سەبەبى زەرتتەلۋدە. ناۋقاستارمەن بايلانىستا بولعان جاقىندارىن انىقتاۋعا قاتىستى سانيتارلىق-ەپيدەميولوگيالىق شارالار جۇرگىزىلۋدە, – دەيدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ جەتەكشىسى ايناگۇل مۋسينا.
ساقتانساڭ عانا جامان تۇماۋدان جانىڭ امان قالادى.
