«تىلگە قاتىستى كەدەرگىنى جويۋ جونىندەگى ميسسيامىزدى جالعاستىرۋ بارىسىندا Microsoft Translator تىلدەر توبىنا قازاق ءتىلىن قوسقانىمىزدى قۋانا حابارلايمىز. Qazaqsha نە Qazaq Tili قازاقستاندا, قىتايدىڭ باتىسىندا, موڭعوليانىڭ باتىسىندا, رەسەيدىڭ وڭتۇستىگىندە جانە الەمنىڭ باسقا ەلدەرىندە قولدانىلادى. قازاقشا سويلەيتىن 22 ميلليونعا جۋىق ادام بار», دەلىنگەن Microsoft كومپانياسىنىڭ رەسمي بلوگىنداعى جازبادا.
قازاق ءتىلى ەندىگى جەردە Microsoft-تىڭ اۋدارما جاسايتىن قولدانبالارى, باپتاۋلارى, Office باعدارلاماسى, Bing-كە ارنالعان اۋدارماشىدا جانە كاسىپكەرلەر مەن باعدارلاما جاساۋشىلارعا ارنالعان Azure Cognitive Services اۋدارما قىزمەتى سەكىلدى جوبالارىندا قولجەتىمدى بولماق.
ەندى ينتەرنەت پايدالانۋشىسى كيريلليتسا الىپبيىمەن تەرىلگەن ءماتىندى Microsoft Translator-دا قازاقشاعا جانە تاعى باسقا 60 شاقتى تىلگە اۋدارۋعا مۇمكىندىگى بار.
بۇل – قازاق ءتىلىنىڭ قولدانىس اۋقىمى كەڭەيىپ, سالماعى ارتىپ كەلە جاتقانىن ايعاقتايدى. مەملەكەت باسشىسى قاسىم-جومارت توقاەۆ: «قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ, ۇلتارالىق قاتىناس تىلىنە اينالاتىن كەزەڭى كەلەدى دەپ ەسەپتەيمىن», دەگەنى ەسىمىزدە. ەندەشە, قازاق ءتىلىنىڭ مارتەبەسىن ەلىمىز عانا ەمەس, بۇكىل الەم مويىنداي باستادى دەسەك, قاتەلەسپەيمىز.
